باسەكەلەستىكتى قورعاۋ جانە دامىتۋ اگەنتتىگى قولدانىستاعى ەرەجەلەر بيزنەستى دامىتۋعا كەدەرگى كەلتىرەتىنىن مالىمدەدى. سوندىقتان ەندى مەملەكەت كەيبىر دارىلەردىڭ باعاسىن بەلگىلەۋگە ارالاسپايدى. پرەپاراتتاردىڭ قىمباتتاۋى بولجانىپ وتىر, دەپ حابارلايدى Egemen.kz.
ەلىمىزدە باعاسىن مەملەكەت بەلگىلەيتىن دارىلىك زاتتاردىڭ ءتىزىمى قىسقاردى. بۇل ءدارىحانالاردىڭ اراسىندا باسەكەلەستىك قالىپتاستىرىپ, سالا كاسىپكەرلەرىنە قولداۋ كورسەتۋ ماقساتىندا جاسالعان شارا دەيدى ۇكىمەتتەگىلەر.
«نارىق قاتاڭ رەتتەلگەن. پاتەنتتەلمەگەن اتاۋى بويىنشا ءوزارا الماسۋ بولعاندا مەملەككەتتىك باعالىق رەتتەۋگە جاتاتىن ءدارى-دارمەكتى قىسقارتۋ قاراستىرىلىپ جاتىر. قازىر تراستقا قاتىستى رەتتەۋ شەڭبەرىندە تەك 2020 ءتۇرلى اسپەكتىلەرمەن 109 تەرگەۋ اياقتالدى», دەدى باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين.
3700-دەن استام پرەپاراتتىڭ باعاسىن ەندى ءدارىحانالار ءوزى بەلگىلەيدى. جىل باسىندا كاسىپكەرلەر پالاتاسى ەلدەگى ءدارىحانا بيزنەسىنە قولداۋ سۇراعان. مەملەكەتتىڭ باعا بەلگىلەۋىنىڭ كەسىرىنەن كوپتەگەن كاسىپكەر شىعىنعا باتقان. ءتىپتى كەيبىر پرەپاراتتاردى ساتۋدىڭ تيىمدىلىگى بولماي, ونى ءدارىحانالاردان تابۋ مۇمكىن ەمەس بولاتىن. ماسەلەنىڭ ەكىنشى جاعى: باعانى بەلگىلەۋگە مەملەكەت ارالاسپايتىن دارىلىك زاتتار ەندى قىمباتتايدى.