بەلارۋس مەملەكەتىنىڭ ۇلتتىق كىتاپحاناسىندا ەكى ەل جازۋشىلارى كەزدەسۋ وتكىزىپ, «قازاقستان-بەلارۋس ادەبي الماناعى» تانىستىرىلدى.
جيناققا ابايدان باستاپ, قاسىم امانجولوۆ, جۇبان مولداعاليەۆ, كەمەل توقاەۆ, ولجاس سۇلەيمەنوۆ, مۇرات اۋەزوۆ, ت.ب. قازاق قالامگەرلەرىنىڭ شىعارمالارى ەنگەن.
قازاقستان رەسپۋبليكاسىنىڭ بەلارۋس رەسپۋبليكاسىنداعى توتەنشە جانە وكىلەتتى ەلشىسى اسقار بەيسەنباەۆ تانىستىرۋ راسىمىندە ەكى ەل اراسىنداعى مادەني جانە گۋمانيتارلىق ىنتىماقتاستىق الداعى ۋاقىتتا دا جالعاساتىنىن تىلگە تيەك ەتىپ: ء«بىز بۇگىن قازاقستان مەن بەلارۋس باسشىلىعىنىڭ بىرلەسكەن كۇش-جىگەرىنىڭ ارقاسىندا ەكى ەلدىڭ مادەني ديالوگى سەنىمدى بولىپ كورىنەتىنىن ماقتانىشپەن ايتا الامىز», دەدى.
سونداي-اق بەلارۋس ۇلتتىق كىتاپحاناسىنىڭ ديرەكتورى وكسانا كنيجنيكوۆا سوڭعى ۋاقىتتا ەكى ەل اراسىنداعى قارىم-قاتىناستار قارقىندى دامىپ كەلە جاتقانىن اتاپ ءوتتى.
قازاقستاننىڭ ادەبي مۇراسىنىڭ ۇزدىك ۇلگىلەرىن نيكولاي مەتليتسكي, ميحايل پوزدنياكوۆ جانە باسقالار اۋدارعان. سونداي-اق ەكى ەل اراسىنداعى ادەبي بايلانىستىڭ جالعاسى رەتىندە مۇحتار اۋەزوۆتىڭ «اباي جولى» رومان-ەپوپەياسى جارىق كورمەك. شىعارمانى ميحايل پوزدنياكوۆ ءتارجىمالاۋدا. ال الماناحتىڭ كەزەكتى شىعارىلىمى الداعى جىلعا جوسپارلانىپ وتىر.
كەزدەسۋ قورىتىندىسى بويىنشا قازاقستان مەن بەلارۋس جازۋشىلارى ەكى ەلدىڭ ىنتىماقتاستىعى مەن ادەبي بايلانىستارىن ودان ءارى كەڭەيتۋ جونىندە ناقتى ۇسىنىستار ازىرلەمەك.