وتىز جىلدىق تاريحى بار جاسامپاز مەملەكەتىمىزدىڭ قۇرىلىمىندا پوليتسيانىڭ قىزمەتى وراسان زور.
ەلىمىزدىڭ تىنىشتىعىن ساقتاۋ, ازاماتتاردىڭ كونستيتۋتسيالىق قۇقىقتارى مەن بوستاندىقتارىن جانە مەملەكەت پەن قوعامنىڭ مۇددەسىن قورعاۋ جولىنداعى ءتارتىپ ساقشىلارىنىڭ ەڭبەكتەرىن ەكى اۋىز سوزبەن جەتكىزە الماسىمىز انىق.
قازاقستان پوليتسياسى ءوزىنىڭ قۇرىلعان كۇنىنەن باستاپ قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋ بويىنشا مىندەتتەرىن تابىستى جۇزەگە اسىرىپ كەلەدى. بۇل قىزمەتتىڭ قاۋىپ پەن قاتەرگە تولى ەكەنىن ءتۇسىنۋ ءۇشىن ءبىر عانا دەرەكتى كەلتىرە كەتەيىك. تاۋەلسىزدىك جىلدارى قىزمەتتىك مىندەتتەرىن ورىنداۋ كەزىندە 800 پوليتسيا قىزمەتكەرى قازا تاۋىپ, 2 655 ءتارتىپ ساقشىسى جاراقاتتانعان. ءاردايىم انتىنا ادال بولىپ, ەل قورعانى دەگەن اتاققا ابىرويلى قىزمەت ەتىپ جۇرگەن ءتارتىپ ساقشىلارىنىڭ ءار كۇنى تاۋەكەلگە تولى ەكەنىن وسىدان-اق اڭعارۋعا بولادى.
بۇگىن 23 ماۋسىم – كاسىبي مەرەكە كۇنى پوليتسيا قىزمەتكەرلەرىنىڭ كۇندەلىكتى تىنىس-تىرشىلىگىنەن حابار بەرەر اعا بۋىننىڭ اق باتاسى مەن وسىناۋ قىراعى ماماندىقتى تاڭداعان جاستاردىڭ يگى تىلەگىن بەرۋدى ءجون سانادىق. تىلەك ءبىر – پوليتسيا قاتارى مىندەتىنە ادال, ابىرويى بيىك, ەرلىگى ەلەۋسىز قالمايتىن بىلىكتى ماماندارمەن كوبەيە بەرسىن.