جوسپارلانعان جوبا جەتەرلىك

وڭىرلىك ۇيلەستىرۋ  كەڭەسى مۇ­شەلەرىمەن كوشپەلى كەڭەس وت­كىزگەن الماتى قالاسىنىڭ  اكىمى باقىتجان ساعىنتاەۆ كەزەكتى رەت قالانىڭ يندۋستريالدى اۋما­عىنداعى جوبالارمەن تانىستى.

وسىدان ەكى جىلداي بۇرىن وڭىرلىك ۇيلەستىرۋ كەڭەسىنىڭ (وۇك) جۇمىسى قايتا فورماتتالعان ەدى. ونىڭ قۇرامىنا ساراپشىلار, جۇمىس ىستەپ تۇرعان كاسىپورىندار مەن سالالىق كاسىپوداقتاردىڭ باسشىلارى ەنگەن.

وتكەن ەكى جىلدا وۇك 12 وتىرىس وتكىزسە, 172,3 ملرد تەڭ­گەنىڭ 51 جاڭا جوباسى قولداۋ تاۋىپ, 6,5 مىڭنان استام جۇ­مىس ورنى قۇرىلعان. ال ينۆەس­تور­لارعا 185 گەكتار جەر تەلىمدەرى بەرىلگەن. سونداي-اق ءتيىمسىز پاي­دالانىلعان 15 گەكتار ۋچاسكە وڭتايلاندىرىلدى. سونىمەن قا­تار 38 جوبا ىسكە اسىرىلۋ دي­نامي­كاسىنىڭ بولماۋىنا بايلانىستى پاا پورتفەلىنەن شى­عارىلدى, 156 گا اۋماق بوساتىلدى.

وسى يندۋستريالدى ايماقتا «گ.س.گ. ۆىسوتنيك» جانە «سك راحات» جشس اتاۋلارىنا يە اۆ­توك­لاۆتالعان گازبەتون شى­عاراتىن ەكى كاسىپورىن ىسكە قو­سىلىپ, ەكى كوم­پانيا دا ارلەۋ جانە پايدا­لا­نۋعا بەرۋ جۇمىستارىن اياقتاپ قالدى.

جوبالارعا 2 ملرد-تان استام تەڭگە ينۆەستيتسيالانىپ, 165-تەي جۇمىس ورنىن قۇرۋ جوسپارلانعان. بۇل جوبالار ىسكە اسسا, الماتى قالاسى مەن وبلىستاعى قۇرىلىس كومپا­نيالاردىڭ جوعارى ساپالى گازبەتون بلوكتارىنا دەگەن سۇرانىسى قاناعاتتاندىرىلماق.

يندۋستريالدى ايماقتاعى 10 گەكتاردان استام القاپ اليۋميني جانە بيمەتالل رادياتورلارىن شى­عاراتىن قازاقستانداعى العاشقى زاۋىتتى سالاتىن Valtherm جشس-نە بەرىلگەن. ون­دىرىستىك نىساننىڭ ءبىرىنشى كە­زەڭدەگى قۇرىلىس-مون­تاجداۋ جۇ­مىستارى اياقتالىپ, قا­زىرگى ۋا­قىتتا سىرتقى جەلىلەر تار­تىلىپ, اۋماعى اباتتاندىرىلىپ جاتىر. 430 جۇمىس ورنىن قۇرۋعا ءتيىس ءوندىرىس ورنىن بيىل قىركۇيەك ايىن­دا ىسكە قوسۋ جوسپارلانعان.

بيىلعى جىلدىڭ ءبىرىنشى توق­­سانىندا يندۋستريالدى اي­ماقتا قۋاتى جىلىنا 25 مىڭ تون­نادان استام ءونىم شىعاراتىن KMK Investment جشس مىس جانە اليۋميني شىبىق زاۋىتى پايدالانۋعا بەرىلدى. جوبانىڭ قۇنى 11,3 ملرد تەڭگەنى قۇرايدى. 2018 جىلى KMK Investment جىلىنا 20 مىڭ كم كابەل جانە سىم ءونىمىن شىعاراتىن زاۋىتتى ىسكە قوسقانىن ايتا كەتكەن ءجون. سالىنعان ينۆەستيتسيا 12,7 ملرد تەڭگەنى قۇرادى, 100 جۇمىس ورنى اشىلدى. ينۆەستوردىڭ بولاشاق جوسپارلارى جەتىپ ارتىلادى. تاياۋ كەلەشەكتە يندۋستريالدى ايماقتا ەۋرازيالىق ەنەرگەتيكالىق كومبينات اشۋدى جوسپارلاپ وتىر. مۇندا كابەلدىك وندىرىسكە قا­جەتتى كابەلدەر, پوليەتيلەن جانە پروپيلەنگە ارنالعان ين­نو­ۆاتسيالىق مۋفتالار, قورىت­پالاردان جا­سالعان وتە جەڭىل كا­بەلدىك ناۋ­ا­لار, سونىمەن قا­تار ەنەرگيا تي­ىم­دىلىگى جانە ين­نو­ۆاتسيالىق ازىرلەمەلەر سالا­سىنداعى عىلىمي-زەرتتەۋ ينستيتۋتى بولادى.

شىلدە ايىندا يندۋستريالدى ايماقتا 65 جۇمىس ورنىن اشۋ­عا مۇمكىندىك بەرەتىن قۇنى 512 ملن تەڭگەنى قۇرايتىن Kaz-Dia-Test جشس مەديتسينالىق-دياگنوستيكالىق سىناق جۇيەلەرىن شىعاراتىن زاۋىت ىسكە قوسىلماق. كومپانيا جۇقپالى جانە ون­كو­­لوگيالىق اۋرۋلارعا جەدەل تەست­تەر شىعارۋدى, سونداي-اق ما­دەني مەديانىڭ العاشقى وتان­دىق, سەريالىق وندىرىستىك ءون­دى­رىسىن دامىتۋدى جوسپارلاپ وتىر. پاندەمياعا جانە جا­ھان­دىق جاعدايلارعا بايلانىس­تى زاۋىتتا پتر-سىناقتارىن, كورو­ناۆيرۋسقا ارنالعان ەكسپرەسس-تەستتەر مەن ونكولوگيانى ال­عاش­قى ساتىدا انىقتايتىن جاڭا اۆ­توماتتاندىرىلعان جەلىنى ىسكە قوسۋ جوسپارلانۋدا. بۇگىنگى كۇنى وندىرىستىك عيمارات سالۋ بويىنشا قۇرىلىس-مونتاج جۇمىستارى  اياقتالدى, بولمەلەردىڭ ءىشىن ارلەۋ جۇمىستارى جۇرۋدە.

سونداي-اق «المەرەك» جشس مەديتسينالىق ونىمدەر شىعاراتىن زاۋىتتى ىسكە قوستى.  كاسىپورىندا ءبىر رەتتىك ستەريلدى تەراپەۆتتىك شپاتلالار, زوندتار, جيىنتىقتار, سكاريفيكاتورلار, سۇيىقتىقتاردى ۆا­كۋممەن قابىلداۋ جۇيەلەرى ءوندىرىسى باستالدى. جوباعا 443,4 ملن تەڭگە جەكە ينۆەستيتسيا قۇ­يىل­دى, 50 جۇمىس ورنى قۇ­رىلدى.

سونىمەن قاتار باقىتجان ساعىنتاەۆ حيميا, قۇرىلىس جانە ماشينا جاساۋ سالالارى بو­يىن­شا «Bسف» جشس, «جبي گارانت», «الەم تىنىسى» جشس, City Stone جشس, «ەلەكتروبار» جشس, «تەپلوستيل» جشس جاڭا نىساندارىنىڭ قۇرىلىسىمەن تانىستى. بۇل ينۆەستيتسيالىق جو­بالاردىڭ جالپى سوماسى 3,8 ملرد تەڭگەنى قۇرايدى, كاسىپ­ورىن­داردا 340 جۇمىس ورنى قۇرىلادى.

بۇدان بولەك 6,2 مىڭ جۇمىس ورنىن قۇراتىن 211,7 ملرد تەڭگەلىك جوبالارى بار 54 كومپانيا ال­ماتى قالاسىنىڭ يندۋستريالدى ايماعىنا قاتىسادى. بۇگىنگى كۇنى 14 جوبا ىسكە اسىرىلدى, ونىڭ جال­پى سوماسى 75 ملرد تەڭگە, 2248 جۇمىس ورنى قۇرىلدى.

وڭىرلىك ۇيلەستىرۋ  كەڭەسىندە ايتىلعانداي, 2021 جىلدىڭ اياعىنا دەيىن جالپى سوماسى  40,5 ملرد تەڭگەنى قۇرايتىن 9 جوبا, ياعني «سك راحات», «گ.س.گ. ۆى­سوت­نيك», «كاز-ديا-تەست», City Stone, «الەم تىنىسى», Asia steel pipe corporation, «ەلەكتروبار», Valtherm, Technokont كاسىپ­ورىن­دا­رىن ىسكە قوسۋ جوسپارلانسا, بۇل جوبالار 823 ادامعا جۇمىس تاۋىپ بەرۋى ءتيىس.

سول سياقتى الماتىنىڭ ىس­كەرلىك اۋماعىندا بيىل 5 وندى­رىستىك پارك اشۋ, شوب ءۇشىن 22 مىڭ شارشى مەتر وندىرىستىك الاڭدى پايدالانۋعا بەرۋ جوسپارلانىپ وتىرعانى ءمالىم بولدى. بۇلاردىڭ جالپى قۇنى – 2,3 ملرد تەڭگە جانە 860 جۇمىس ورنى قۇرىلادى.

2025 جىلعا دەيىن يندۋس­تريالدى ايماقتا ينۆەستيتسيالىق جالپى قۇنى 93 ملرد تەڭگە بولاتىن 28 جوبانى ىسكە اسىرۋ,

3 مىڭ­نان استام جۇمىس ورنىن قۇرۋ جوسپارلانعان.

الماتى