«Ashyq» جوباسى جۇزەگە اسىرىلعالى بەرى وعان ەلوردانىڭ 1200-دەن استام كاسىپكەرى قاتىستى. بۇل جوبانىڭ ارقاسىندا كارانتيندىك شەكتەۋلەر جاعدايىندا بيزنەس ءتۇرلى جەڭىلدىكتەرمەن جۇمىس ىستەپ كەلەدى, دەپ حابارلايدى قالا اكىمدىگىنىڭ رەسمي سايتى.
قازاقستان رەسپۋبليكاسىنىڭ باس مەملەكەتتىك سانيتارلىق دارىگەرىنىڭ 2021 جىلعى 3 ماۋسىمداعى قاۋلىسىنا سايكەس, QR-كود ارقىلى (check-in بويىنشا) كەلۋشىلەردى كوپ تىركەگەن نىسانعا «Ashyq» كوشباسشىلارى» ستاتۋسى بەرىلەدى. بۇل ستاتۋستى كاسىپكەرلىك نىسان ەكى اپتا بويى يەمدەنەدى.
قازىرگى ۋاقىتتا نۇر-سۇلتاندا 72 كاسىپكەر QR-كود ارقىلى (check-in بويىنشا) كەلۋشىلەردى بارىنشا كوبىرەك تىركەدى. ولاردىڭ باسىم بولىگىن قوعامدىق تاماقتانۋ نىساندارى, كينوتەاترلار, تەاترلار مەن باسسەيندەر قۇرايدى.
جالپى, «Ashyq» پيلوتتىق جوباسىنىڭ ماقساتى – ەڭ الدىمەن كەلۋشىلەر مەن نىسان قىزمەتكەرلەرىنىڭ قاۋىپسىزدىگىن قامتاماسىز ەتۋ.