وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, «قاۋىپسىز جول» جەدەل-پروفيلاكتيكالىق ءىس-شاراسى كەزىندە ءبىر تۇندە ماس كۇيىندە كولىك باسقارعان 5 ەر ادام مەن 1 ايەل ۇستالدى, دەپ حابارلايدى Egemen.kz.
«ماس كۇيدە ۇستالعان جۇرگىزۋشىلەرگە قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 608-بابىنىڭ 1-بولىگىمەن (جۇرگىزۋشىنىڭ كولىك قۇرالىن الكوگولدىك, ەسىرتكىلىك جانە (نەمەسە) ماساڭ كۇيدە باسقارۋى, سول سياقتى كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارۋىنا بەرۋ) اكىمشىلىك حاتتامالار تولتىرىلدى. سوت شەشىمىمەن 5 ەر ادام 15 تاۋلىككە اكىمشىلىك قاماۋعا الىنىپ, 7 جىلعا جۇرگىزۋشى قۇقىعىنان ايىرىلدى», دەپ حابارلادى دەپارتامەنتتىڭ ءباسپاسوز قىزمەتى.
الكوگولدىك ىشىمدىك ءىشىپ, رۋلگە وتىرعان ايەلدىڭ ءبىر جاسقا تولماعان بالاسى بارى ەسكەرىلىپ, اكىمشىلىك قاماۋدان بوساتىلعان. بىراق, ول كولىك باسقارۋ قۇقىعىنان 7 جىلعا ايىرىلدى.