جەكسەنبى كۇنى تاڭەرتەڭ قىتايدىڭ 3 ميلليون حالقى بار شيان قالاسىنداعى (حۋبەي پروۆينتسياسى) ازىق-ت ۇلىك بازارىندا تابيعي گاز قۇبىرى جارىلدى. سالدارىنان 12 ادام اجال قۇشتى. تاعى 144 تۇرعىن اۋرۋحاناعا تۇسكەن. 37-ءسى اۋىر حالدە جاتىر, دەپ حابارلايدى Egemen.kz.
جارىلىس چجانۆان اۋدانىندا جەرگىلىكتى ۋاقىت بويىنشا ساعات 06:30 شاماسىندا بولعان. جارىلىس سالدارىنان 40-قا جۋىق ساۋدا نىسانى قيراپ, سول ماڭداعى ۇيلەردىڭ اينەكتەرى سىنعان. كۋاگەرلەردىڭ ايتۋىنشا, ۋاقىتتىڭ ەرتە بولعانىنا قاراماستان بازاردا ساتىپ الۋشىلار كوپ بولعان, ادامدار جاقىن ماڭداعى اسحانالاردان تاڭعى اس ءىشىپ وتىرعان.
قالادا بىرنەشە قان قۇيۋ ستانتسياسى جۇمىس ىستەپ جاتىر. دارىگەرلەر مەن بيلىك قالا تۇرعىندارىن قان قۇيۋ ستانتسيالارىنا كەلىپ, قان تاپسىرۋعا شاقىردى. توتەنشە جاعداي ورنىندا ىزدەستىرۋ-قۇتقارۋ جۇمىستارى جالعاسۋدا.