اتىراۋدا اۆتوبۋس جۇرگىزۋشىلەرى جەتىسپەيدى

اتىراۋ قالاسىنىڭ اكىمى قايرات ورازباەۆتىڭ مالىمەتىنشە, جولاۋشى تاسىمالداۋشى   كاسىپورىنداردىڭ اۆتوپاركىندە 289 اۆتوبۋس بار.

«كۇن سايىن جولاۋشى تاسىمالداۋعا 210-220 اۆتوبۋس جولعا شىعادى. سەبەبى, اۆتوبۋس جۇرگىزۋشىلەرى جەتىسپەيدى. بۇل 60 اۆتوبۋستىڭ رەزەرۆتە تۇرۋىنا اسەر ەتىپ وتىر», دەيدى قايرات ورازباەۆ.

ونىڭ ايتۋىنا قاراعاندا, وسى كەزگە دەيىن اتىراۋ قالاسىندا 71 اشىق, 24 جابىق ايالداما جاڭاسىنا اۋىستىرىلىپتى. ال, 47 ايالداما سەنىمگەرلىك باسقارۋعا بەرىلىپتى.

«بيىلعى جىلدىڭ سوڭىنا دەيىن قازاقستاندا شىعارىلعان 120 ايالدامانى ساتىپ الۋ جوسپارلانىپ وتىر. وسىلايشا, ەسكى ايالدامالار جاڭاسىنا اۋىستىرىلادى. كەيبىر كوشەلەرگە جاڭا ايالدامالار ورناتىلادى», دەيدى قايرات ورازباەۆ.