تۇركيانىڭ اۋىل شارۋاشىلىعى جانە ورمان شارۋاشىلىعى مينيسترلىگى ءورت كوزدەرىن جەدەل انىقتاۋ جانە ورمان ورتتەرىن ءتيىمدى ءسوندىرۋ ءۇشىن دروندار سانىن كوبەيتىپ جاتىر, دەپ حابارلايدى Egemen.kz.
2020 جىلى تۇركيانىڭ ورماندارىن قورعاۋ ءۇشىن ۇشقىشسىز ۇشۋ اپپاراتتارى مەن تىكۇشاقتار كەڭىنەن قولدانىلا باستادى, ال بيىل تاعى ءتورت ۇشقىشسىز ۇشاق رەسپۋبليكانىڭ اۋىل شارۋاشىلىعى مينيسترلىگى جانىنداعى ورمان شارۋاشىلىعى باس ديرەكتسياسىنا بەرىلدى.
مۇنداي قۇرالدار ءداستۇرلى تۇردە ءورت شىعۋ ىقتيمالدىعى جوعارى اۋدانداردا جيىرەك قولدانىلماق.
دروندار جىلۋ كامەرالارىنىڭ كومەگىمەن بەينەلىك كەسكىندەردى اۋىل شارۋاشىلىعى مينيسترلىگىنىڭ ورتالىقتارىنا جەدەل جىبەرەدى, بۇل ىستىق نۇكتەلەردى تەز انىقتاۋعا, قاۋىپ دەڭگەيىن باعالاۋعا جانە ورتتەن قۇتقارۋ قىزمەتىنە اۋماق كوورديناتتارىن بەرۋگە مۇمكىندىك بەرەدى.
ۇشقىشسىز ۇشاقتار تاۋلىك بويى جۇمىس ىستەيدى.
ەگەر 2003 جىلى تۇركيادا ءورت ءسوندىرۋدىڭ ورتاشا ۋاقىتى 40 مينۋتتى قۇراسا, 2019 جىلعى تەحنولوگيالىق جەتىستىك ارقاسىندا بۇل مەرزىم 12 مينۋتقا دەيىن قىسقاردى. 2023 جىلعا قاراي ورمان ورتتەرىن ءسوندىرۋ ۋاقىتىن ماكسيمالدى تۇردە مينيمۋمعا دەيىن جەتكىزۋ جوسپارلانۋدا.