رەسەيدىڭ ماسكەۋ قالاسىندا ترانسپلانتولوگ دارىگەرلەردىڭ قاتىسۋىمەن حالىقارالىق IX عىلىمي-پراكتيكالىق كونفەرەنتسيا ءوتتى, دەپ حابارلايدى Egemen.kz
حالىقارالىق جيىنعا رەسەي, تۇركيا, يتاليا, قازاقستاننىڭ تانىمال, جەتەكشى ترانسپلانتولوگ ماماندارى قاتىستى. باسقوسۋدا مەديتسينا ماماندارى ورگانداردى ترانسپلانتاتسيالاۋدى دامىتۋ ماسەلەلەرىن, سونداي-اق ترانسپلانتتاۋ جۇيەسىن ۇيىمداستىرۋدىڭ وزىق تاجىريبەلەرىن تالقىلادى.
ايتا كەتۋ كەرەك, كونفەرەنتسياعا قازاقستاننان العاش رەت تمد ەلدەرىنە تانىمال, تاجىريبەلى ترانسپلانتولوگ-حيرۋرگ, شىمكەنتتەگى №1 قالالىق كلينيكالىق اۋرۋحانانىڭ باس دارىگەرى دونباي ابىلاي قاتىستى. ول «تۋىستىق باۋىر ترانسپلانتاتسياسىنىڭ تەحنيكاسى» اتتى بايانداما جاسادى.
– باۋىر ترانسپلانتاتسياسى تەحنيكالىق تۇرعىدان الدەقايدا قيىن. باۋىردا تامىر كوپ. دونوردان باۋىردىڭ جەتكىلىكتى مولشەرىن كەسىپ الۋ دا ەكىنىڭ ءبىرىنىڭ قولىنان كەلمەيدى. ويتكەنى دونوردىڭ اعزاسى قالىپتى تىرشىلىگىن جالعاستىرۋى ءۇشىن قاجەت مولشەردە باۋىر قالۋى كەرەك. رەتسيپيەنتكە سالعان باۋىردىڭ تولىق جۇمىس ىستەپ كەتۋى دە قوسىمشا كوپ ىقپال جاساۋدى قاجەت ەتەدى, – دەيدى بىلىكتى دارىگەر.
ابىلاي دونباي ءوزىنىڭ بىلىكتىلىگىنىڭ ارقاسىندا 600-دەن اسا ناۋقاسقا وتا جاساپ, ەكىنشى ءومىر سىيلاعان. وسى جىلى باۋىر ترانسپلانتاتسياسىن 5 ساعات 48 مينۋتتا جاساپ, قازاقستاندا رەكوردتتىق كورسەتكىش جاساعان بولاتىن.