تەگىس جول تەگىن ەمەس

الىس جولعا قاتىنايتىن جۇر­گى­زۋ­شىلەر اقىلى جۇيەگە نارازى­لى­عىن بىل­دىرسە دە «QazAvtoJol» ۇك» اق «جول­مەن كىم كوپ جۇرەدى, سول ونىڭ كۇتىپ-باپتاۋىنا دا اقى تولەيدى» دەگەن قاعيدانى بەرىك ۇستانعان ءتارىزدى. ولار­دىڭ مالىمەتىنشە, جاڭادان ىسكە قوسىلاتىن اقىلى ۋچاسكەلەردىڭ تولەمى بۇرىن پايدالانۋعا بەرىلگەن ءتورت اقىلى جول: نۇر-سۇلتان – ششۋچە, نۇر-سۇلتان – تەمىرتاۋ, الماتى – قاپشاعاي, الماتى – قورعاس اۆتوماگيسترالىنىڭ تولەماقىسىنا سايكەس ەسەپتەلەدى. قازىرگى تولەم مول­شەر­­لەمەلەرى 2013 جىلى ەنگىزىلىپ, سودان بەرى وزگەرمەگەن كورىنەدى. الدا­عى ۋاقىتتا ءتاريفتى قىم­بات­تاتۋ دا ويدا جوق.

سونىمەن, اقىلى جولدارمەن جۇرە­تىن جۇرگىزۋشىلەردەن قانشا اقشا ۇس­تا­لا­دى؟ بۇل جەردە تولەماقى كولىك­تەر­دىڭ تۇرىنە بايلانىستى. ايتالىق, جەڭىل كو­لىكتەر ءۇشىن جولدىڭ 1 شاقى­رى­مى – 1 تەڭگە. ەگەر كولىك سول اقىلى ۋچاس­كە­نىڭ اۋماعىندا تىركەلگەن بولسا, وندا اۆتوكولىك يەلەرىنە قۇنى 1 مىڭ تەڭگەنى قۇرايتىن ءبىر جىلدىق ابونەمەنت بار. اۆتوبۋستارعا بولەك تاريف قاراستىرىلعان. ول جولاۋشىلار وتىراتىن ورىن سانىنا قاراي ەسەپتە­لە­دى: 1 شاقىرىمى – 5 تەڭگەدەن 15 تەڭ­­گە­گ­ە دەيىن. الايدا قالاارالىق جانە جەر­گى­لىكتى رەيستىك اۆتوبۋستار تولەما­­قى­دان بوساتىلعان. ال جۇك كو­لىك­­تە­رى­نە ارنالعان تاريف ونىڭ جۇك كو­تەر­گىش­­تى­گىنە بايلانىستى 1 شاقى­رى­مى 5 تەڭ­گە­دەن 25 تەڭگە ارالىعىن قۇرايدى.

ءباسپاسوز حابارلاماسىندا جولدار­دىڭ اقىلى بولۋىنا بايلانىستى جول بويىنداعى ينفراقۇرىلىم دا جان­داناتىنى ايتىلعان. «بۇل سەرۆيس­تىك قىزمەتتەر جۇرگىزۋشىلەر مەن جولاۋ­شى­لاردىڭ قولايلىلىعى ءۇشىن سالىنادى. ۋچاسكەلەردە دەمالىس الاڭدارى, تۇراقتار, قوناقۇيلەر, سۋپەرماركەت­تەر, دارەتحانالار, ءدارىحانالار پاي­­دا بولماق», دەلىنگەن ءباسپاسوز مالىمە­تىن­دە.

2024 جىلعا دەيىن رەسپۋبليكالىق ماڭىزى بار اۆتوجولدار مەن اقىلى ۋچاسكەلەردىڭ بويىندا 134 كەشەن سالۋ ءۇشىن GasEnergy, «قازترانسگاز», Compass, Sinooil, PetroRetail مەن «م-36» جەلىلىك جانار-جاعارماي قۇيۋ بەكەتتەرىمەن كەلىسىمدەر جاسالىپ­تى.

ەسكە سالا كەتسەك, بيىل «باتىس ەۋروپا – باتىس قىتاي» (قاينار – تاراز, تاراز – شىمكەنت, شىمكەنت – قىزىلوردا, شىمكەنت – تاشكەنت), ششۋچە – كوكشەتاۋ, قاپشاعاي – تالدىقورعان (تالدىقورعان قالا­سى­نىڭ اينالما جولى), نۇر-سۇلتان – پاۆلو­دار, اقتاۋ – جەتىباي – جاڭاوزەن جانە نۇر-سۇلتان, قاراعاندى, پاۆلو­دار قالالارىنىڭ اينالما جولدارى اقىلى بولادى.

قازىرگى تاڭدا ارنايى جۇمىس توبى اتال­عان ۋچاسكەلەرگە قىزمەتتىك ساپارلار ۇيىمداستىرىپ, ولاردىڭ ساپا­­سىن تەكسەرىپ جاتىر. ال جول اقى­سى ۋچاس­كە­نىڭ جاعدايى تەحنيكالىق سانات­قا تولىق ساي كەلگەندە عانا الىنادى.