ورال قالاسىندا ءتورت جاسار قىز تەرەزەدەن قۇلاپ كەتتى

بقو تج دەپارتامەنتىنىڭ ءباسپاسوز قىزمەتىنىڭ اقپاراتىنا سۇيەنسەك, وقيعا بۇگىن ساعات 18.04-تە الماتى كوشەسى 109/1-مەكەنجايىندا ورنالاسقان 5 قاباتتى ۇيدە بولعان.

اتا-اناسىنىڭ قاراۋىنسىز قالىپ, ءتورتىنشى قاباتتان قۇلاعان قىز بالا اۋرۋحاناعا جاتقىزىلدى. جاعدايى ورتاشا اۋىر.

الدىن الا مالىمەتكە قاراعاندا, جابىق باس-مي جاراقاتىن الىپ, ميى شايقالعان. مۇرنى سىنىپ, ىشىنەن دە جاراقات العان.

وبلىستىق دەنساۋلىق ساقتاۋ باسقارماسىنىڭ ناقتىلاۋىنشا, جەدەل جاردەم ساعات 18.04-تە شاقىرتىلىپ, بريگادا بەس مينۋتتان كەيىن جەتتى. وقيعانىڭ ءمان-جايى انىقتالۋ ۇستىندە.

قازىرگى كەزدە وبلىستىق كوپبەيىندى بالالار اۋرۋحاناسىنىڭ تراۆماتولوگيا بولىمشەسىندە جاتقان قىزدىڭ جاعدايى تۇراقتى.