تۇركىستان وبلىسىنىڭ اكىمى ومىرزاق شوكەەۆ اۋدان اكىمدەرى اراسىندا اۋىس-ءتۇيىس جاساپ جاتىر. اكىمدەردىڭ كومانداسى جاڭا ەسىمدەرمەن تولىعىپ جاتىر. سولاردىڭ ءبىرى باعلان باتىرشاەۆقا بۇگىن ورداباسى اۋدانىنىڭ تىزگىنى سەنىپ تاپسىرىلدى, دەپ حابارلايدى Egemen.kz.
ءبىز بىلەتىن باتىرشاەۆ كىم؟ وبلىس اكىمدىگىنىڭ تاراتقان رەسمي اقپاراتى بويىنشا باعلان دانەبەك ۇلى 1976 جىلى ورداباسى اۋدانىندا دۇنيەگە كەلگەن. م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن ينجەنەر-ەكونوميست, قازاق گۋمانيتارلىق زاڭ ۋنيۆەرسيتەتىن قۇقىقتانۋ, الماتى مەنەدجمەنت ۋنيۆەرسيتەتىن ىسكەرلىك اكىمشىلەندىرۋ ماگيسترى ماماندىعى بويىنشا بىتىرگەن. ەڭبەك جولىن بانك سالاسىندا باستاعان. 1998-2019 جىلدار ارالىعىندا «كازاگروويل» جشس-ءنىڭ قارجى ديرەكتورى, استانا قالاسى اكىمدىگىنىڭ شارۋاشىلىق باسقارماسى باسشىسىنىڭ ورىنباسارى, استانا قالاسى اكىمىنىڭ كومەكشىسى, وڭتۇستىك قازاقستان وبلىسى اكىمى اپپاراتى باسشىسىنىڭ ورىنباسارى, «قازتەمىرترانس» اق-ڭ باسشىسى, پرەمەر - ءمينيسترى كەڭەسىنىڭ باس ينسپەكتورى, «قازمۇنايگاز-سەرۆيس NS» اق-ڭ باس ديرەكتورى, «وڭتۇستىك» ايماقتىق ينۆەستيتسيالىق ورتالىعىنىڭ باسقارما توراعاسى لاۋازىمدارىندا ەڭبەك ەتكەن. جاڭا قىزمەتىنە دەيىن «تۇركىستان وبلىسى اكىمدىگىنىڭ ءىس باسقارماسى» مەكەمەسىنىڭ باسشىسى قىزمەتىن اتقارعان. ء بىر سوزبەن ايتقاندا, اكىمدىكتە, ۇكىمەتتە, ۇلتتىق كومپانيالاردا, بانك سەكتورىندا تاجىريبە جيناعان مامان. ۋاقتىسىندا وڭتۇستىك قازاقستان وبلىستىق ءماسليحاتىنا سايلانىپ, حالىقتىڭ اماناتىن ارقالاعان ەڭ جاس دەپۋتاتتاردىڭ ءبىرى اتانعان. «سارىاعاش» شيپاجايىنىڭ ديرەكتورى لاۋازىمىنا تاعايىندالىپ, سۋى مىڭ دا ءبىر دەرتكە داۋا دەمالىس ورنىنىڭ زامان اعامىنا ساي قايتا تۇلەۋىنە مول ۇلەس قوسقان ازامات. وبلىستا «باتىرشاەۆ اكىم بولادى ەكەن» دەگەناڭگىمە شىققالى قاشان. بۇل باتىرشاەۆتىڭ ىسكەرلىگىن بىلەتىن ەلدىڭ, كوپشىلىكتىڭ قالاۋى سياقتى كورىنەتىن ەدى. جاڭا تاعايىنداۋدى جاساۋدا وبلىس باسشىسى شوكەەۆتىڭ حالىقتىڭ وسى تالاپ-تىلەگىمەن دە ساناسقانى ايدان انىق.
جاڭا اكىمدى اۋدان اكتيۆىنە تۇركىستان وبلىسىنىڭ اكىمى ومىرزاق شوكەەۆ تانىستىرىپ, الداعى ماقسات-مىندەتتەرىن ايقىنداپ بەردى. اۋدانداعى حالىقتىڭ الەۋمەتتىك-ەكونوميكالىق ءال-اۋقاتىن كوتەرۋدەگى ەلباسى ن.نازارباەۆ ساياساتىن جۇزەگە اسىرىپ, مەملەكەت باسشىسى بەكىتكەن تاپسىرمالاردى ساپالى ورىنداۋدى جۇكتەدى.
«بۇعان دەيىن ورداباسى اۋدانىنىڭ اكىمى بولىپ كەلگەن نۇربول تۇراشبەكوۆتىڭ مول تاجىريبەسىن ەسكەرە وتىرىپ, باسقا جاۋاپتى قىزمەتكە اۋىسۋىنا بايلانىستى اتقارىپ وتىرعان قىزمەتىنەن بوساتتىم. بۇگىنگى كۇنگى اۋداندىق ءماسليحاتىنىڭ سەسسياسىنا ورداباسى اۋدانى اكىمى قىزمەتىنە جاڭا كانديداتۋرا ۇسىنىلىپ, دەپۋتاتتار تاراپىنان ءبىراۋىزدان قولداۋ تاۋىپ وتىر. باعلان باتىرشاەۆ – تاجىريبەسى مول, ەڭبەكقور ازامات. اۋدان ەكونوميكاسىن كوتەرۋگە بار تاجىريبەسىن, ءبىلىمىن, كۇش-جىگەرىن جۇمسايدى دەپ سەنەمىن», دەدى وبلىس اكىمى ومىرزاق شوكەەۆ.
وبلىس اكىمى جاڭادان تاعايىندالعان اۋدان اكىمىنە باستى نازار اۋدارىپ, اتقارۋدى قاجەت ەتەتىن بىرقاتار ماسەلەلەر مىندەتتەدى. اۋداندا جاڭا ءوندىرىس ورىندارىن اشىپ, تۇرعىنداردى جۇمىسپەن قامتاماسىز ەتۋ, اۋىل شارۋاشىلىعىنا ينۆەستيتسيالار مەن وزىق تەحنولوگيالار تارتىپ, وندىرىلەتىن ءونىم كولەمىن ارتتىرۋ بويىنشا جۇمىستاردى جۇرگىزۋدى جۇكتەدى. ەڭ الدىمەن, اۋدان تۇرعىندارىنا بارىنشا قولايلى تۇرمىستىق جاعدايلار جاساپ, اۋىل, ەلدى مەكەندەرى جايلى, قاۋىپسىز, تازا دا كورىكتى اۋماققا اينالدىرۋدى تاپسىردى.
ال ورداباسىنى بىلتىردان بەرگى ارالىقتا باسقارىپ, قىسقا ۋاقىتتىڭ ىشىندە كوپتىڭ العىسىن ارقالاعان نۇربول تۇراشبەكوۆ بۇدان دا جاۋاپتى قىزمەتكە تاعايىندالادى. جيىندا مۇنى شوكەەۆتىڭ ءوزى اتاپ ءوتتى.