جۇرگىزۋشىلەر سكرينينگتەن وتەدى

الماتى قالاسىنىڭ ونكولوگ-دارى­گەرلەرى اۆتوبۋس جۇرگىزۋشىلەرى مەن تاكسي جۇرگىزۋشىلەرىن وكپە قاتەرلى ىسىگىنە قار­سى تەگىن تەكسەرىستەن وتۋگە شاقىرىپ وتىر. وسىلايشا, قازاق ونكولوگيا جانە راديو­لوگيا عىلىمي-زەرتتەۋ ينستيتۋتى وك­پەنىڭ ونكولوگيالىق كەسەلدەرىن ەرتە انىقتاۋ تاسىلدەرىن تەرەڭدەتۋ ءۇشىن عى­لىمي زەرتتەۋلەردى قولعا الدى.

ءبىر جاعىنان قوعامدىق كولىكتەردىڭ جۇرگىزۋشىلەرى كاسىپتەرىنە بايلانىس­تى ءتۇتىن, جانار-جاعارماي قالدىقتارى سياقتى ۋلى زاتتارمەن ۇدايى تىنىس الۋعا ءماجبۇر. جۇرە كەلە مۇنىڭ سالدارى وكپە دەرتتەرىنىڭ دامۋىنا باستايتىنى ايان.

جالپى, قاناتقاقتى جوبا شەڭ­بە­رىندە 2 مىڭداي جۇرگىزۋشىنى تەكسەرۋ جوسپار­لانعان. اسىرەسە ەر ادامدار­دى, سەبەبى ولار وكپە قاتەرلى ىسىگىنە شال­دىعۋعا بەيىم كەلەدى. ءارى الماتى قالاسىندا وك­پە قاتەرلى ىسىگىنە دۋشار بولىپ قانا قويماي, وسى سىرقاتتان بو­لاتىن ءولىم-ءجىتىم وتە كوپ. وبىر ال­دى اۋرۋلارىن ەرتە دياگنوستيكالاۋ جانە الدىن الۋ وكپە قاتەرلى ىسىگىنىڭ اسقى­نۋىنا جول بەر­مەيدى. سوندىقتان دا بۇل باستاما الماتى قالاسىنىڭ قوعامدىق كولىك جۇرگىزۋشىلەرىن تەگىن تەكسەرۋدى كوز­دەيدى.

زەرتتەۋگە قاتىسۋ ءۇشىن ونكولوگيالىق اۋرۋلار بويىنشا ەسەپتە تۇرمايتىن 45 جاستان 69 جاسقا دەيىنگى ەرلەر شاقى­رىلادى. ءتيىستى شاقىرۋ حاتتارى الماتى قالاسى اكىمدىگىنىڭ قالالىق موبيلدىلىك باسقارماسىنىڭ باسشىسىنا جانە الماتى قالاسىنىڭ اۆتوبۋس پاركتەرىنىڭ ديرەكتورلارىنا جىبەرىلگەن.

جىل سا­يىن ەلىمىزدە وكپە قاتەرلى ىسىگىنىڭ 3500-گە جۋىق جاڭا جاعدايى انىقتالادى. قازاقستاندا ونكولوگيالىق اۋرۋدان بو­لاتىن ءولىم-ءجىتىم قۇرى­لىمىندا وك­پە قاتەرلى ىسىگى ءبىرىنشى ورىن الادى. شا­مامەن 6-7 قازاقستاندىق كۇن سايىن وكپە قاتەرلى ىسىگىنەن قايتىس بولادى. ون­كولوگتەر بۇل اۋرۋدى ەرتە ساتىسىندا انىقتاۋ ءۇشىن وكپە قاتەرلى ىسىگىنە سكرينينگ جۇرگىزۋ قاجەتتىلىگىن ۇدايى العا تارتىپ كەلە جاتقانىن بىلەمىز.

«ماسەلە مىنادا, وكپە قاتەرلى ىسىگى بار ناۋقاستاردىڭ 80 پايىزى قازىردىڭ وزىندە دەرتى ءورشي باستاعاندا ونكولوگتەرگە كەلەدى. بۇگىن ءبىز ەرتە دياگنوستيكا, ال­دىن الۋ جانە سكرينينگ تۋرالى سۇراق­تار كوتەرگىمىز كەلەدى. دۇنيەجۇزىلىك دەن­ساۋلىق ساقتاۋ ۇيىمىنىڭ ۇسىنىسى بويىنشا, اسقىندىرماي دياگنوستيكا جاساۋ ماقساتىندا وكپە قاتەرلى ىسىگى بويىنشا سكرينينگتى ەنگىزۋدى جوسپارلاپ وتىرمىز. سكرينينگ تومەن دوزالى سپيرالدى كوم­­پيۋتەرلىك توموگرافيا كومەگىمەن جۇرگىزىلەدى. بۇل ءادىس وكپە قاتەرلى ىسىگىن ەرتە كەزەڭدە انىقتاۋعا, سايكەسىنشە دۇرىس جانە ۋاقتىلى تار­گەت­تىك جانە دەربەستەندىرىلگەن ەم جۇر­گىزۋگە مۇمكىندىك بەرەدى», دەيدى دەن­ساۋ­­لىق ساقتاۋ مينيسترلىگىنىڭ باس ونكو­لوگى, «قازاق ونكولوگيا جانە راديولوگيا عىلىمي-زەرتتەۋ ينستيتۋتى» اق باسقار­ما ءتورايىمى ديليارا قايداروۆا.

تومەن دوزالى سپيرالدى  كومپيۋتەر­لىك توموگرافيامەن جاسالعان العاشقى پيلوت­تىق جوبالار بۇرىن پاۆلودار, قوستاناي جانە شىعىس قازاقستان وبلىس­تارىندا جۇرگىزىلگەن بولاتىن.

وكپە قاتەرلى ىسىگى – الەمدەگى ەڭ كوپ تارالعان قاتەرلى ىسىك. قاتەرلى ىسىك اۋرۋىن زەرتتەۋ جونىندەگى حالىقارالىق اگەنتتىكتىڭ (IAIR) مالىمەتى بويىنشا جىل سايىن 2 ملن-نان استام ەرلەر مەن ايەلدەر وكپە قاتەرلى ىسىگىمەن اۋىرادى, ولاردىڭ ۇشتەن ەكىسى – ەر ادامدار (1 368 524) جانە ۇشتەن ءبىرى – ايەلدەر (725 352).

الماتى