قازاقستاندىق كاسىپكەرلەر ەۋرازيالىق ەكونوميكالىق كوميسسيانىڭ (ەەك) ەكونوميكا جانە قارجىلىق ساياسات ءمينيسترى رۋسلان بەكەتاەۆقا ءماجبۇرلى قارجىلىق شىعىندار مەن تاۋەكەلدەرگە الىپ كەلەتىن تالاپتار تۋرالى ايتتى, دەپ جازادى Egemen.kz.
قازىرگى ۋاقىتتا ەەك الكوگول مەن تەمەكى ونىمدەرىنە كەدەندىك ترانزيت ءراسىمىن قولدانۋ تۋرالى ەەك القاسى شەشىمىنىڭ جوباسىن تالقىلاپ جاتىر. شەشىم قابىلدانعاننان كەيىن بۇل ءونىم ەكى رەت كەدەندىك راسىمدەرگە ورنالاستىرىلادى - ەكسپورت جانە كەدەندىك ترانزيت, بۇل بيزنەس ءۇشىن قوسىمشا ۋاقىت پەن قارجىلىق شىعىندارعا اكەپ سوقتىرادى. «رەسەي بيزنەسى كوتەرىپ وتىرعان وداقتىڭ كەدەندىك اۋماعى ارقىلى الكوگول مەن تەمەكى ونىمدەرىن تاسىمالداۋداعى بۇل ماسەلەنىڭ شەشىلۋىنە قازاقستان بيزنەسى قارسى ەمەس. بىراق قازاقستاندىق كاسىپكەرلەر بىردەي تاۋارلارعا قاتىستى بىرقاتار رەتتەۋ شارالارىن ەنگىزۋدى جانە قولدانۋدى قولدامايدى, ياعني ولار ەەك القاسىنىڭ وسىنداي شەشىم قابىلداعانىمەن كەلىسپەيدى», دەدى كاسىپكەر دىنمۇحاممەد ابسەمەتوۆ.
ىسكەرلىك قوعامداستىقتىڭ كەلىسپەۋشىلىگى وسى ءونىمنىڭ قوزعالىسىن قاداعالاۋ ءۇشىن ناۆيگاتسيالىق پلومبالاردى (ترانزيتتىك, ءوزارا ساۋدا جانە ەكسپورت) پايدالانۋ جوسپارلانعاندىعىمەن تۇسىندىرىلەدى جانە ءتيىستى نورما الدىن-الا قاراستىرىلعان.
ال كەدەندىك ترانزيتتىك رەسىمدەۋ كەزىندە ۇشتىك كەدەندىك باقىلاۋ بولادى. بۇل بۇكىل پروتسەسس ىسكەري ورتاعا كەرى اسەرىن تيگىزەدى.
ەندى قازاقستان رەسپۋبليكاسى مەملەكەتتىك كىرىستەر كوميتەتىنىڭ اۋماقتىق ورگانىنىڭ مورىمەن راستالۋى قاجەت جەتكىزىلىم قۇجاتىنىڭ (ەلەكتروندىق شوت-فاكتۋرا) ماسەلەسىن KSP Steel كومپانياسىنىڭ وكىلى ايگەرىم يشانوۆا كوتەردى.
«بۇل ۇزاققا سوزىلعان ءراسىم وتاندىق ەكسپورتتاۋشىلار ءۇشىن قازاقستاندىق تاۋارلاردى ەاەو ەلدەرىنە ەكسپورتتاۋ كەزىندە پروبلەماعا اينالادى. بۇل ۆاگونداردىڭ بوس تۇرۋى, تاۋارلاردىڭ جەتكىزىلۋىنىڭ كەشەۋىلدەۋى جانە جىلجىمالى قۇرامنىڭ جۇمىس ىستەمەي قالعانى ءۇشىن ايىپپۇلداردى تولەۋ جانە تاسىمالداۋ جوسپارلارىن ورىنداماۋ سالدارىنان قوسىمشا شىعىندارعا اكەلىپ سوقتىرۋى سياقتى ماسەلەلەرگە اكەلەدى. مۇندا قاراپايىم ءبىر ۆاگون ءۇشىن ايىپپۇل 64 400 تەڭگەنى قۇرايتىنىن اتاپ وتكەن ءجون», دەپ ءتۇسىندىردى ايگەرىم يشانوۆا.
ماسەلەنى شەشۋ ءۇشىن ءراسىمدى قايتا قاراۋ, مەملەكەتتىك كىرىستەر ورگانىنا قۇجاتتارىن ۇسىنۋ تالاپتارىنان باس تارتۋ, قازاقستاندىق تاۋارلاردى دسۇ الىپ قويۋ تىزىمىنە ەنگىزىلگەن ەاەو نارىعىنا ەكسپورتتاۋ پروتسەدۋراسىن تسيفرلاندىرۋ جانە وڭتايلاندىرۋ ۇسىنىلدى.
رۋسلان بەكەتاەۆ بارلىق ماسەلەلەر جازىلىپ, ەگجەي-تەگجەيلى زەردەلەنەدى, ال بيزنەس-ۇسىنىستار ەسكەرىلەدى دەپ سەندىردى.