پرەزيدەنتكە گەرمانيادان ينۆەستيتسيا تارتۋعا, ەكى ەلدىڭ بيزنەس سالاسىنداعى ىنتىماقتاستىعىن ودان ءارى نىعايتۋعا, قازاقستان ەكونوميكاسى ءۇشىن ماڭىزدى سانالاتىن باعىتتارداعى بىرلەسكەن جوبالاردى ىسكە اسىرۋعا قاتىستى اتقارىلىپ جاتقان جۇيەلى جۇمىستار جونىندە اقپارات بەرىلدى, دەپ حابارلايدى Egemen.kz اقورداعا سىلتەمە جاساپ.
ۇكىمەتتىڭ جۇمىس توبى وسى باعىت بويىنشا پەرسپەكتيۆاسى بار باعىتتار مەن جوبالاردى ودان ءارى پىسىقتاۋ ءۇشىن تۇراقتى تۇردە كەزدەسۋلەر وتكىزۋدە.
قاسىم-جومارت توقاەۆقا قازاقستانداعى ماشينا جاساۋ سالاسىن دامىتۋ ءۇشىن جۇرگىزىلىپ جاتقان كەشەندى جۇمىستار تۋرالى باياندالدى. ەلىمىزدە 119 مىڭ قىزمەتكەردى جۇمىسپەن قامتىپ وتىرعان 3 مىڭنان استام ماشينا جاساۋ كاسىپورنى بار. ۇكىمەت اتالعان سالانى قارقىندى دامىتۋ ماقساتىمەن وتاندىق ماشينا جاساۋ كاسىپورىندارىنىڭ باسەكەگە قابىلەتتىلىگىن ارتتىرۋعا, ءوندىرىستىڭ كولەمىن ساقتاپ, ءوسىمىن ودان ءارى قامتاماسىز ەتۋگە باعىتتالعان قولداۋ شارالارىن قابىلداۋدا.
كەزدەسۋ قورىتىندىسى بويىنشا قاسىم-جومارت توقاەۆ جۇرگىزىلىپ جاتقان جۇمىستاردىڭ ماڭىزدى ەكەنىنە نازار اۋدارىپ, بىرقاتار ناقتى تاپسىرما بەردى.