كەڭەستىك ساياسي جانە مەملەكەتتىك قايراتكەر كۇلاش اسكەەۆا 99 جاسىندا ومىردەن وزدى. بۇل تۋرالى قازاقستان پرەزيدەنتىنىڭ ءىس باسقارماسى مەديتسينالىق oرتالىعىنىڭ اۋرۋحاناسى مالىمدەدى, دەپ حابارلايدى Egemen.kz.
اسكەەۆا كۇلاش اسكەقىزى - 1921 جىلى 3 قىركۇيەكتە قازاق كسر-ىندە دۇنيەگە كەلگەن. 1939 جىلدان بەرى شارۋاشىلىق, قوعامدىق جانە ساياسي جۇمىستار اتقارعان. 1939-1976 جىلدارى تالاس اۋدانىنىڭ جەتى جىلدىق مەكتەبىندە مۇعالىم بولىپ جۇمىس ىستەدى, كرۋپسكايا اتىنداعى جەتى جىلدىق مەكتەپتى باسقاردى, كەيىن تالاس اۋداندىق كوميتەتىنىڭ ءبىرىنشى حاتشىسى بولدى. جامبىل وبلىستىق كومسومول كوميتەتىنىڭ نۇسقاۋشىسى جانە كەگەن اۋدانى كومسومول كوميتەتىنىڭ ءبىرىنشى حاتشىسى, جامبىل اۋدانى پارتيا كوميتەتىنىڭ نۇسقاۋشىسى بولىپ جۇمىس ىستەدى.
كراسنوگور اۋداندىق پارتيا كوميتەتىنىڭ ءبولىم مەڭگەرۋشىسى, بكپ(ب) كراسنوگور اۋداندىق كوميتەتىنىڭ ءۇشىنشى, ءبىرىنشى حاتشىسى بولدى.
كەيىن قازاق كسر الەۋمەتتىك قامسىزداندىرۋ ءمينيسترىنىڭ ورىنباسارى قىزمەتىنە كىرىستى.
سونىمەن قاتار كسرو جوعارعى كەڭەسىنىڭ 3-شاقىرىلىمىنىڭ دەپۋتاتى بولىپ سايلاندى.
«كۇلاش اسكەقىزى سوڭعى دەمى قالعانشا كوڭىلدى, مەيىرىمدى بولىپ قالا بەردى. ءومىردى جاقسى كورىپ, اينالامداعىلارعا ارقاشان قولداۋ مەن العىس ايتا بىلەتىن. قازاقستان رەسپۋبليكاسى پرەزيدەنتىنىڭ ءىس باسقارماسى مەديتسينالىق oرتالىعىنىڭ اۋرۋحاناسى ۇجىمى كۇلاش اسكەەۆانىڭ تۋىستارى مەن جاقىندارىنا قايعىرىپ كوڭىل ايتادى», دەدى اۋرۋحانا قىزمەتكەرلەرى.
.