وڭىرلىك كوممۋنيكاتسيالار قىزمەتى الاڭىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ باسقارما توراعاسى – رەكتور جانسەيىت تۇيمەباەۆ ونلاين رەجىمدە بريفينگ وتكىزدى.
ەلىمىزدەگى جەتەكشى ۋنيۆەرسيتەتتىڭ 2020-2022 جىلدارداعى باستى ناتيجەلەرى, جەتىستىكتەرى جانە الداعى دامۋ جوسپارىمەن تانىستىرعان رەكتور ج.تۇيمەباەۆ ء«ال-فارابي اتىنداعى قازۇۋ – الەمدەگى 200-توپ ۇزدىك جوو قاتارىنا ەنگەن قازاقستان مەن ورتالىق ازياداعى بىردەن-ءبىر ۋنيۆەرسيتەت», دەپ اتاپ ءوتتى. بۇگىندە ءبىلىمنىڭ قارا شاڭىراعى QS جاھاندىق رەي- تينگتە 165-ورىندا تۇرسا, ۇلتتىق رەيتينگتەردە دە كوش باسىندا كەلەدى. رەكتور اتاپ وتكەندەي, وسى ورايدا ءبىلىم جانە عىلىم سالاسىنداعى ورنى ايرىقشا وقۋ ورنىنىڭ 2021-2025 جىلدارعا ارنالعان نەگىزگى باسىمدىقتارى كەڭىنەن تالقىلانىپ, ەلىمىزدەگى ستراتەگيالىق مىندەتتەردى شەشۋگە, ءارى قاراي دامىتۋعا بايلانىستى كەشەندى جوبالار جۇزەگە اسۋدا.
ۋنيۆەرسيتەت مەملەكەتتىك جانە حالىقارالىق ستراتەگيالىق مىندەتتەردى شەشۋدە ايتارلىقتاي الەۋەتكە يە. الىس جانە جاقىن شەتەلدەردىڭ جەتەكشى ۋنيۆەرسيتەتتەرىمەن بىرلەسىپ ازىرلەنگەن 500-دەن استام ءبىلىم بەرۋ باعدارلامالارىنىڭ ماڭىزى زور.
بۇگىندە ىسكە اسىپ جاتقان جوبالاردىڭ جالپى بيۋدجەتى 7,7 ملرد تەڭگەدەن اسادى. عىلىمي ماقالالار بويىنشا كوشباسشى وقۋ ورنىنىڭ رەيتينگتىك باسىلىمدارداعى ءاربىر بەسىنشى قازاقستاندىق جاريالانىمى قازۇۋ عالىمدارىنا تيەسىلى دەيتىن بولساق, بىلتىر ۋنيۆەرسيتەتتىڭ بەدەلدى Web of Scinece دەرەكتەر قورىنىڭ «عىلىم كوشباسشىسى» سىيلىعىنىڭ ءۇش اتالىمىنا يە بولعانىن زور ماقتانىشپەن اتاپ وتۋگە بولادى.
قازۇۋ عالىمدارى COVID-19 ىندەتىنىڭ الدىن الۋعا باعىتتالعان جوبالارعا دا بەلسەندى اتسالىسىپ كەلەدى. ورتالىق ازيا وڭىرىندەگى العاشقى وكىلدىك بولىپ تابىلاتىن بريتاندىق AVEVA Group plc كومپانياسىمەن بىرلەسكەن ينجەنەرلىك جوبالاۋ ورتالىعىنىڭ قۇرىلۋى دا ۋنيۆەرسيتەت ماماندارىمەن جۇزەگە اسقان ناتيجەلى جوبالاردىڭ بىرەگەيى. بۇگىندە جاھاندىق ترەندتەردى ەسكەرە وتىرىپ قولعا الىنعان جاڭا باعدارلامالار قاتارىندا نەيروعىلىم, كرەاتيۆتى يندۋستريا, تسيفرلى ەكونوميكا, ەكولوگيالىق ينجينيرينگ, مەدياكوممۋنيكاتسيا, دەرەكتەر تۋرالى عىلىم, تسيفرلى مۇراعاتتانۋ جانە قۇجاتتانۋ, باسقارۋدىڭ ينتەللەكتۋالدى جۇيەلەر, نانوماتەريالدار جانە نانوحيميا بار.
ستۋدەنتتەرگە الەۋمەتتىك قولداۋ – وقۋ ورنىنداعى باستى باسىمدىقتاردىڭ ءبىرى. قازىرگى تاڭدا ءبىر مىڭنان استام الەۋمەتتىك وسال ساناتتاعى وقۋ وزاتتارى مەن جاقسى وقيتىن ستۋدەنتتەردىڭ وقۋ اقىسىنا 10-نان 25 پايىزعا دەيىن جەڭىلدىك قاراستىرىلىپ وتىر. 50-دەن استام ۇيىمدار مەن كومپانيالار دەمەۋشىلەر قاتارىندا اتالادى. كادرلىق الەۋەتتى دامىتۋ ماقساتىندا بيىلعى جىلدىڭ ناۋرىز ايىنان باستاپ وقىتۋشىلار مەن قىزمەتكەرلەردىڭ جالاقىسى 20 پايىزعا وسكەن. وقىتۋشىلاردىڭ مارتەبەسى جانە وقۋ ورنىنىڭ دامۋىنا قوسقان ۇلەسىن ارتتىرۋمەن قاتار ولاردىڭ حالىقارالىق قاۋىمداستىققا ەنۋىنە دە ايرىقشا كوڭىل بولىنگەن.
مەملەكەت باسشىسىنىڭ باستاماسى بويىنشا ءبىلىم جانە عىلىم مينيسترلىگى جىل سايىن 500 قازاقستاندىق عالىم شەتەلدىك تاعىلىمدامادان وتەتىن بولادى. وسى ورايدا ۋنيۆەرسيتەتكە حالىقارالىق دەڭگەيدەگى عالىمدار, اقش جانە ەۋروپانىڭ جوعارى وقۋ ورىندارىندا, ونىڭ ىشىندە كەمبريدجدە ساباق بەرۋ تاجىريبەسى بار ۋالباي ومىرباەۆ جانە بازبەك داۋلەتوۆ سىندى پروفەسسورلار تارتىلعاندىعىن ەرەكشە اتاپ وتۋگە بولادى. ۋنيۆەرسيتەتتىڭ 400-دەن استام وقىتۋشىسى «جوو-نىڭ ۇزدىك وقىتۋشىسى» گرانتىنىڭ يەگەرى اتانسا, بۇل ەلدەگى گرانتتار جالپى سانىنىڭ 20 پايىزىن قۇرايدى.
قازىرگى ۋاقىتتا ۋنيۆەرسيتەت ماماندارى كارانتيندىك شارالاردى ەسكەرە وتىرىپ, ەل تاۋەلسىزدىگىنىڭ 30 جىلدىعىنا ارنالعان اۋقىمدى رەسپۋبليكالىق جانە حالىقارالىق ءىس-شارالاردى وتكىزىپ كەلەدى. جاقىندا كورنەكتى اقىن ولجاس سۇلەيمەنوۆتىڭ 85 جىلدىق مەرەيتويىنا ارنالعان حالىقارالىق ونلاين-كونفەرەنتسيا ۇيىمداستىرىلسا, ساياسي قۋعىن-سۇرگىن قۇرباندارىن ەسكە الۋ كۇنىنە ارناپ «قر مەملەكەتتىك تاۋەلسىزدىگى قالىپتاسۋىنىڭ ساياسي-قۇقىقتىق جانە ەكونوميكالىق ماسەلەلەرى: تاريح جانە قازىرگى زامان» تاقىرىبىندا حالىقارالىق عىلىمي-تاجىريبەلىك كونفەرەنتسيا وتكىزدى. تاۋەلسىزدىكتىڭ 30 جىلدىعىنا وراي «ەلباسى ساياباعى» اشىلىپ, تۇڭعىش پرەزيدەنت – ەلباسى نۇرسۇلتان نازارباەۆتىڭ قۇرمەتىنە بوي تۇزەگەن جەمىس باعىندا 300-گە جۋىق الما, شيە, ورىك اعاشتارى وتىرعىزىلدى. ال ۇلىستىڭ ۇلى كۇنى قالاشىقتا «اعاشتار اللەياسى» اشىلىپ, وندا ۇجىم بولىپ 300-دەن استام قىرىم قاراعايى مەن التاي شىرشاسىن وتىرعىزىپ, عىلىم قىزمەتكەرلەرى كۇنىنە وراي سيۆەرس الماسىنىڭ 100-گە جۋىق كوشەتى ەگىلگەن باققا «عالىمدار باعى» اتاۋى بەرىلدى.
وسىلايشا, ءبىلىم مەن عىلىمدى ۇشتاستىرىپ وتىرعان ءبىلىم ورداسى الداعى ۋاقىتتا دا ساپالى ءبىلىم مەن تاربيە بەرۋ باعىتىنداعى ماڭىزدى دا مازمۇندى جوبالارىن جۇزەگە اسىرا بەرەتىن بولادى.
الماتى