قازاقستاننان اقتاۋ - نۇكىس, الماتى - نامانگان, نۇكىس - اقتوبە - ماسكەۋ جانە سامارقان - اقتوبە - سانكت-پەتەربۋرگ جاڭا اۋە رەيستەرىن اشۋعا رۇقسات ەتىلدى, دەپ حابارلايدى Egemen.kz.
بۇل تۋرالى قازاقستان اۋماعىندا كوروناۆيرۋستى تاراتپاۋ جونىندەگى ۆەدومستۆوارالىق كوميسسيانىڭ حاتتاماسىندا جازىلدى.
7 ماۋسىمنان باستاپ وزبەكستانمەن اقتاۋ - نۇكىس جانە الماتى - نامانگان باعىتتارىنا ءار تاراپتان اپتاسىنا ەكى رەيس جيىلىكپەن تۇراقتى رەيستەر اشۋعا رۇقسات ەتىلدى.
حالىقارالىق رەيستەردى SCAT اۋەكومپانياسى ورىندايدى:
نۇكىس - اقتوبە - ماسكەۋ, اپتاسىنا ەكى رەيس;
سامارقان - اقتوبە - سانكت-پەتەربۋرگ, اپتاسىنا ەكى رەيس.
بۇعان دەيىن SCAT اۋەكومپانياسى اقتاۋ - ۇرگەنش رەيسىن ىسكە قوسقان بولاتىن. 8 ماۋسىمنان باستاپ «ەير استانا» مەن Uzbekistan Airways اۋەكومپانيالارى الماتى - سامارقاند رەيسىن اپتاسىنا 4 رەت جيىلىكپەن ورىندايدى.