Asia Park ساۋدا-ويىن-ساۋىق ورتالىعىنداعى ۆاكتسيناتسيا پۋنكتىندە ەكپە العانداردى قولداۋ ءۇشىن كاسىپكەرلەر ءتۇرلى سىيلىقتار ويناتتى, دەپ حابارلايدى Egemen.kz.
ۆاكتسينا العان ازاماتتار بىردەن ۇتىس ويىنىنا قاتىسا الدى.
جۇلدە اراسىندا - تۇرمىستىق تەحنيكا, ەلەكترونيكا, سوو جالعا الۋشىلارىنىڭ سىيلىقتارى بار. ەلوردا تۇرعىندارى كاسىپكەرلەردىڭ وسىنداي باستاماسىن جوعارى باعالاپ, باعالى سىيلىقتار ءۇشىن العىسىن ءبىلدىردى.
«11 مامىردا ۆاكتسينانىڭ العاشقى كومپونەنتىن الدىم. ماسا شاعىپ العانداي عانا بولدى. جىل سايىن كۇزدە تۇماۋعا قارسى ەكپە الاتىنىم دا بار. بۇگىن كوروناۆيرۋسقا قارسى ۆاكتسينانىڭ ەكىنشى كومپونەنتىن الدىم. اۋىرسىنۋ بولعان جوق, قىسىمىم قالىپتى. مەن ءتىپتى ۇتىس ويىنىندا توق شاينەك سەكىلدى سىيلىق الامىن دەپ كۇتكەن جوقپىن. وتە قۋانىشتىمىن! تانىستارىمنىڭ ءبارىن ۆاكتسينا قابىلداۋعا شاقىرامىن, ويتكەنى بارىمىزگە ۇجىمدىق يممۋنيتەت قاجەت», دەدى 69 جاستاعى زەينەتكەر لاريسا ۆاسيلەۆنا.
ۆاكتسيناتسيا پۋنكتتەرى دەمالىسسىز ساعات 10:00-دەن 22:00-گە دەيىن جۇمىس ىستەيدى.
سونداي-اق, حالىقتىڭ جوعارى بەلسەندىلىگىن ەسكەرە وتىرىپ, قوعامدىق دەنساۋلىق ساقتاۋ باسقارماسى كوشپەلى بريگادالار ۇيىمداستىرىپ, ەڭبەك ۇجىمدارىن جاپپاي ۆاكتسيناتسيالاۋ جۇرگىزىپ جاتىر.