ەلوردادا «مەرەيلى وتباسى-2021» ۇلتتىق بايقاۋىنىڭ قالالىق كەزەڭىنە ءوتىنىم قابىلدانىپ جاتىر. قازاقستاننىڭ تۇڭعىش پرەزيدەنتى باستاماشىلىق ەتكەن بۇل بايقاۋ وسىمەن جەتىنشى جىل وتكىزىلىپ كەلەدى, دەپ حابارلايدى Egemen.kz.
كونكۋرستىڭ نەگىزگى ماقساتى – وتباسى ينستيتۋتىن, ادامگەرشىلىكتى, نەكەنىڭ ماڭىزدىلىعىن ناسيحاتتاۋ, اتا-انانىڭ بالا تاربيەسىندەگى جاۋاپكەرشىلىگىن ارتتىرۋ, وتباسىلىق قۇندىلىعىن, كامەلەتكە تولعان بالالارعا جانە قارت اتا-انالارعا قامقورلىق كورسەتۋدى ناسيحاتتاۋ, قازاق وتباسىنىڭ وڭ ءيميدجىن نىعايتۋ.
بايقاۋعا وزدىگىمەن ءوتىنىش بەرۋ ارقىلى قاتىسۋعا بولادى, سونداي-اق جەرگىلىكتى اتقارۋشى ورگاندار, زاڭدى تۇلعالار ۇسىنعان وتباسىلار قاتىسادى.
ەستەرىڭىزگە سالا كەتەيىك, «مەرەيلى وتباسى» ۇلتتىق بايقاۋىنا ءوتىنىم قابىلداۋ 15 مامىردا باستالىپ, 15 ماۋسىمدا اياقتالادى.