ەلوردا اكىمى التاي كولگىنوۆ قازاقستاندىقتاردى 4 ماۋسىم – قازاقستان رەسپۋبليكاسىنىڭ مەملەكەتتىك رامىزدەر كۇنىمەن قۇتتىقتادى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
«4 ماۋسىم – مەملەكەتتىك رامىزدەر كۇنى مەرەكەسى قۇتتى بولسىن! ايبىندى ەلتاڭبامىز, اسپان ءتۇستى تۋىمىز, اسقاق ءانۇرانىمىز – تاۋەلسىز مەملەكەتىمىز بەن ەل حالقىنىڭ كيەلى قۇندىلىعى. مەملەكەتتىك رامىزدەرىمىزدى دارىپتەپ, قاستەرلەۋ – بارشامىزعا پارىز. قازاقستان رەسپۋبليكاسىنىڭ رامىزدەرى كۇنىمەن قۇتتىقتاي وتىرىپ, دەندەرىڭىزگە ساۋلىق, وتباسىلارىڭىزعا اماندىق پەن باق-بەرەكە تىلەيمىن!», دەپ جازدى ەلوردا اكىمى.