بۇگىن الماتى قالاسىندا الەۋمەتتىك قىزمەتتەر ءۇيى اشىلدى. سۋ جاڭا نىساننىڭ اشىلۋ راسىمىنە قالا اكىمى جانە زيالى قاۋىم وكىلدەرى قاتىستى, دەپ حابارلايدى Egemen.kz.
عيماراتتى رەكونسترۋكتسيالاۋ وتكەن جىلى باستالعان ەدى. قىسقا مەرزىم ىشىندە مۇندا ء«بىر تەرەزە» قاعيداتى بويىنشا الەۋمەتتىك قىزمەت الۋشىلارعا جايلى جاعدايلار جاسالىپ وتىر.
باقىتجان ساعىنتاەۆ مەملەكەتتىك ورگاندار مەن قارجى ينستيتۋتتارىنىڭ ينتەگراتسياسى الەۋمەتتىك قىزمەت كورسەتۋدىڭ ساپاسىن جاڭا دەڭگەيگە كوتەرەتىنىنە سەنىم ءبىلدىردى.
«قالالىقتاردى الەۋمەتتىك دامىتۋ جانە قولداۋ – «الماتى-2050» دامۋ ستراتەگياسىندا كورسەتىلگەن الماتى اكىمدىگىنىڭ باستى جانە ستراتەگيالىق مىندەتى. ءبىزدىڭ ماقساتىمىز — الماتىنى تەڭ مۇمكىندىكتەر ءارى ينكليۋزيۆتى تۇلعاعا باعىتتالعان ورتالىقتانعان قالا جاساۋ», - دەپ اتاپ ءوتتى ول.
وسى ماقساتقا جەتۋ ءۇشىن الەۋمەتتىك باعدارلانعان بيۋدجەت قالىپتاسۋدا, ونىڭ 46%-ى بيىلعى جىلى الەۋمەتتىك سالانى دامىتۋعا جۇمسالاتىن بولادى.
بيىلعى جىلى الەۋمەتتىك قولداۋعا 25 ميلليارد تەڭگە ءبولىنىپ, 124 مىڭ ادام (الەۋمەتتىك كومەك - 7,1 ملرد., ارناۋلى الەۋمەتتىك قىزمەتتەر - 4,6 ملرد., مۇگەدەكتەردى الەۋمەتتىك قورعاۋ - 5,6 ملرد., حالىقتى جۇمىسپەن قامتۋ - 6,1 ملرد, بەلسەندى ۇزاق ءومىر, باقىتتى وتباسى - 954 ملن شىڭعا ورلەۋ, تاۋەلسىز مەكتەپ ءومىرى – 406 ملن تەڭگە) قامتىلاتىن بولادى.
مۇمكىندىگى شەكتەۋلى تۇلعالاردىڭ ەش كەدەرگىسىز كىرۋلەرى ءۇشىن عيمارات كوتەرگىش قۇرىلعىسىمەن جابدىقتالعان. ءبىرىنشى قاباتتاعى كەڭ وپەراتسيا زالىندا كەلۋشىلەردى الماتى قالالىق الەۋمەتتىك ءال-اۋقات, تۇرعىن ءۇي ساياساتى باسقارمالارىنىڭ, الماتىنىڭ جۇمىسپەن قامتۋ ورتالىعىنىڭ, ازاماتتارعا ارنالعان ۇكىمەتتىڭ «حقكو»-نىڭ «زەينەتاقى تولەۋدىڭ مەملەكەتتىك ورتالىعى» اقف-نىڭ, الماتى پوليتسياسى دەپارتامەنتىنىڭ كوشى-قون قىزمەتى باسقارماسىنىڭ, الماتى قالاسى بويىنشا ەڭبەك كوميتەتىنىڭ, الەۋمەتتىك قورعاۋ جانە كوشى-قون دەپارتامەنتىنىڭ كەڭەسشىلەرى قابىلدايدى.
ەكىنشى قاباتتا الماتىنىڭ جۇمىسپەن قامتۋ ورتالىعىنىڭ وپەراتسيا زالى جانە بەك-وفيس ورنالاسادى, ءوتىنىش بەرۋشىلەر قولايلى جۇمىس ورىندارىن, ال جۇمىس بەرۋشىلەر وزدەرىنە كەرەك جۇمىسشىلاردى تابا الادى.
مۇندا كاسىپ تاڭداۋ كەزىندە كاسىبي باعدار بەرۋ, كاسىبي دايارلاۋ, جۇمىسسىز ازاماتتارعا قايتا دايارلاۋ, بىلىكتىلىگىن ارتتىرۋ, «باستاۋ-بيزنەس» باعدارلاماسى بويىنشا وقۋعا جولداما جانە تەگىن گرانتتار بەرۋ بويىنشا كونسۋلتاتسيالىق قىزمەتتەر ۇسىنىلادى.
ءۇشىنشى جانە ءتورتىنشى قاباتتاردا الماتىنىڭ الەۋمەتتىك ءال-اۋقات باسقارماسى, تۇرعىن ءۇي ساياساتى باسقارماسىنىڭ پاتەرلەردى ءبولۋ ءبولىمى جانە «ادالدىق الاڭىنىڭ» حالىققا قىزمەت كورسەتۋ ايماعى ورانالاسپاق. بەسىنشى قاباتتا الماتىنىڭ تۇرعىن ءۇي ساياساتى باسقارماسىنىڭ ءتۇرلى بولىمدەرى جانە ءارتۇرى شارالار وتكىزەتىن كوپبەيىندى اكت زالى بار.
الەۋمەتتىك قىزمەت كورسەتۋ ۇيىنە ءتۇرلى ومىرلىك قيىن جاعدايلارعا, ونىڭ ىشىندە كەلىسپەۋشىلىكتەرگە تاپ بولعان كوپتەگەن ازاماتتار كەلەتىندىگى ەسكەرىلىپ, ورتالىقتا ادۆوكات پەن پسيحولوگ بولمەلەرى قارستىرىلعان. بالالارمەن كەلگەن قوناقتارعا ىڭعايلى بولۋ ءۇشىن ويىن الاڭى دا قاراستىرىلعان.
بۇرىندارى مۇگەدەكتەر الەۋمەتتىك قىزمەت كورسەتەتىن ۇيىمدارعا بارۋ ءۇشىن ۇلكەن قيىندىقتارعا تاپ بولاتىن. ەندى ولارعا قاعازباستىلىق پەن اكىمشىلىك كەدەرگىلەر جويىلعان ءارى ءتيىستى پروتسەدۋرالاردى ىسكە اسىرۋ جانە بارلىق قۇجاتتارعا ءبىر جەردەن قول قويۋ مۇمكىندىكتەرى تۋىپ وتىر.
الەۋمەتتىك قىزمەت كورسەتۋ ءۇيى دامىعان كولىك ينفراقۇرىلىمى بار دوستىق داڭعىلىنىڭ بويىنا ورنالاسقان, جانىندا مەترونىڭ «اباي» بەكەتى بار, باعىتتار بويىنشا 7 اۆتوبۋس جانە 3 تروللەيبۋس جۇرەدى. ياعني, قالا تۇرعىندارى الەۋمەتتىك قىزمەت كورسەتۋ ۇيىنە قالانىڭ كەز-كەلگەن نۇكتەسىنەن بارا الادى.