نۇر-سۇلتان اۋەجايىندا 2022 جىلدىڭ جازىندا جوندەۋ جۇمىستارى جۇرگىزىلەدى. رەيستەر كوكشەتاۋ مەن قاراعاندىدان ۇشىرىلادى, دەپ حابارلايدى Egemen.kz.
2022 جىلى ەلوردانىڭ اۋەجايىندا ۇشۋ-قونۋ جولاعىن تولىق قايتا جاڭارتۋ جوسپارلانۋدا.
«كەلەسى جىلى ءبىز 2004 جىلى سالىنعان جانە جوندەۋدى قاجەت ەتەتىن جولاقتى تولىعىمەن قايتا جاڭارتۋدى جوسپارلاپ وتىرمىز. قازىر بۇل جولاققا تەك 35% جۇكتەمە ءتۇسىپ تۇر. ءبىز 2027-2028 جىلدارعا قاراي وتكىزۋ قابىلەتىن ۇلعايتۋدى تالاپ ەتەتىن اعىن دەڭگەيىنە جەتەمىز دەپ كۇتەمىز جانە ەكىنشى ۇشۋ-قونۋ جولاعىنىڭ قۇرىلىسى جۇرگىزىلمەك», دەدى نۇرسۇلتان نازارباەۆ حالىقارالىق اۋەجايىنىڭ اتقارۋشى ديرەكتورى داۋلەت حامزين.
ۇقج-نى قايتا قۇرۋعا 20 ملرد تەڭگەگە جۋىق قاراجات قاجەت بولادى. بۇل اقشاعا جولاقتاعى, رۋلدەۋ جولدارىنداعى جانە پەررونداعى جابىن, سونداي-اق جارىق-سيگنالدىق جابدىق تولىعىمەن اۋىستىرىلادى. جوندەۋ جۇمىستارىنا بايلانىستى جازدا ءبىر جارىم اي ۋاقىتقا اۋەجاي تولىعىمەن جابىلادى.
«اۋەجاي قىسقا مەرزىمگە جابىلعان كەزدە, ءبىز جاقىن ماڭداعى كوكشەتاۋ مەن قاراعاندى اۋەجايلارىنا بىرقاتار رەيستەردى باعىتتاپ, جولاۋشىلاردى جەتكىزۋدى قامتاماسىز ەتۋ ءۇشىن شاتتلداردى ىسكە قوسۋدى جوسپارلاپ وتىرمىز», دەدى حامزين.