ءبىلىم جانە عىلىم مينيسترلىگى ۇبت تاپسىرۋ ءۇردىسىن اۆتوماتتاندىرۋ بارىسىندا جاقسى ناتيجەلەرگە قول جەتكىزدى. بۇل تۋرالى ءوزىنىڭ Facebook پاراقشاسىندا قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين جازدى, دەپ حابارلايدى Egemen.kz.
«ماسەلەن, جەكە تۇلعانى سايكەستەندىرۋ جوباسىنا ساي جۇيە ساراپتاما جاساپ, تالاپكەرلەردى كەزدەيسوق ورىندار بويىنشا ورنالاستىرادى, ياعني ۆەريفيكاتسياعا دەيىن ەمتيحاندا كىمنىڭ قاي جەردە وتىراتىنى بەيمالىم. ونىڭ ۇستىنە ءجىتى باقىلاۋ پروتسەدۋراسى ارقىلى تەستىلەۋدىڭ بارىنشا اشىق جانە ءادىل ءوتۋى قامتاماسىز ەتىلگەن. وسىنداي جۇيەنى بيىل ءساۋىر ايىندا ءبىز الماتىنىڭ اۆتوحقكو-لارىندا ەنگىزدىك. پيلوتتىق جوبا بىردەن وڭ ناتيجە كورسەتتى – تەست تاپسىرۋعا تىلەك بىلدىرۋشىلەردىڭ سانى ەكى ەسەگە كەمىپ, ال سىناقتان ۇمىتكەرلەردىڭ تەك 35,6 پايىزى عانا وتكەن بولاتىن. بۇعان دەيىن ناۋرىز ايىندا بۇل كورسەتكىش 44,2 پايىزدى قۇراعان ەدى. سوندىقتان ءبىز الداعى ۋاقىتتا بۇل جوبانىڭ اياسىن كەڭەيتىپ, ەلدىڭ كۇللى ايماعىندا ەنگىزۋدى جوسپارلاپ وتىرمىز», دەدى مينيستر.