«سامۇرىق-قازىنا» ۇلتتىق ءال-اۋقات قورىن باسقارۋ جونىندەگى كەڭەستىڭ توراعاسى «قازمۇنايگاز» ۇلتتىق كومپانياسى» اكتسيونەرلىك قوعامى باسقارماسىنىڭ توراعاسى اليك ايدارباەۆتى قابىلدادى, دەپ حابارلايدى Egemen.kz.
كەزدەسۋدە نۇرسۇلتان نازارباەۆقا ۇلتتىق كومپانيانىڭ 2020 جىلعى جۇمىسىنىڭ ناتيجەسى مەن قازىرگى قىزمەتى تۋرالى اقپارات بەرىلدى.
– وتكەن جىل ءبارىمىز ءۇشىن سىناققا تولى بولدى. پاندەميا ەكونوميكاعا كەرى اسەرىن تيگىزدى. سونىمەن قاتار مۇناي باعاسى تومەندەدى. كوپتەگەن كومپانيالار قيىندىققا تاپ بولدى. قازىر جاعداي بىرتىندەپ قالپىنا كەلىپ جاتىر, – دەدى ەلباسى.
ا.ايدارباەۆ داعدارىسقا قاراماستان ۇلتتىق كومپانيا قارجىلىق تۇراقتىلىقتى ساقتاپ قالعانىن جانە قازىر پاندەمياعا دەيىنگى كورسەتكىشتەرگە قول جەتكىزۋ ءۇشىن جۇمىس ىستەپ جاتقانىن باياندادى. سونداي-اق كەزدەسۋدە «قازمۇنايگاز» كومپانياسى جۇزەگە اسىرىپ جاتقان ءىرى ينۆەستيتسيالىق جانە ينفراقۇرىلىمدىق جوبالار تۋرالى ايتىلدى.