وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى 1 ماۋسىمدا اۋليەكول اۋدانىنداعى وباعان وزىنىندە ايەلدىڭ سۋعا باتىپ كەتكەنى تۋرالى حابارلايدى, دەپ جازادى Egemen.kz.
بەلگىلى بولعانداي, بالالاردى قورعاۋ كۇنى ايەل قۇسمۇرىنداعى دوستارىمەن بىرگە سۋ قويماسىنا دەمالۋعا بارعان.
«كۋاگەرلەردىڭ ايتۋىنشا, ءبىر توپ دەمالۋشى شومىلۋعا جابدىقتالماعان جەردە الكوگولدى سۋسىن ىشكەن. قۇتقارۋشىلار 1990 جىلى تۋعان ايەلدىڭ دەنەسىن جاعادان ءتورت مەتر جەردەن تاپتى. سۇڭگۋىرلەر ىزدەۋ كەزىندە ۋچاسكەدە وزەن ءتۇبىنىڭ رەلەفىنىڭ كۇرت كولبەۋى بار ەكەنىن راستادى», دەلىنگەن تجد حابارلاماسىندا.
دەپارتامەنت وبلىس تۇرعىندارىنان سۋ ايدىندارىندا قاۋىپسىزدىك ەرەجەلەرىن قاتاڭ ساقتاۋدى سۇرايدى.