ەلوردادا يمانوۆ كوشەسىندەگى كوپىر جول جوندەۋ جۇمىستارىنا بايلانىستى ۋاقىتشا جابىلادى, دەپ حابارلايدى Egemen.kz.
نۇر-سۇلتان قالاسى پد اكىمشىلىك پوليتسيا باسقارماسىنىڭ مالىمەتىنشە, 3 جانە 4 ماۋسىم كۇندەرى جوندەۋ جۇمىستارىنا بايلانىستى ق.مۇڭايتپاسوۆ كوشەسىنەن ا.يانۋشكەۆيچ كوشەسىنە دەيىنگى ۋچاسكەدەگى يمانوۆ كوشەسىندە ورنالاسقان كوپىردە اۆتوكولىك قوزعالىسى ءىشىنارا جابىلاتىن بولادى. مۇندا اسفالت توسەمىنىڭ جوعارعى قاباتىن سالۋ جۇمىستارى جۇرگىزىلەدى.
«قالا جولدارىندا كەپتەلىس تۋدىرماس ءۇشىن ەلوردا تۇرعىندارى مەن قوناقتارى قوزعالىس باعىتىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىنىڭ جۇرگىزىلۋىنە تۇسىنىستىكپەن قاراۋدى سۇرايمىز», دەلىنگەن باسقارما حابارلاماسىندا.