«جاستار» سارايىنان باستالاتىن جول جاستار مۋزىكالىق تەاترىنا دەيىن سوزىلىپ جاتىر, دەپ حابارلايدى Egemen.kz.
بۇل «نۇر-سۇلتان – جايلى قالا» جوسپارى اياسىندا جۇزەگە استى. جالپى بيىل باس قالادا 160 اۋلا مەن قوعامدىق كەڭىستىكتى اباتتاندىرۋ جوسپارلانعان. جاڭا اربات جاقىپ وماروۆ كوشەسىنىڭ بويىندا ورنالاسقان. مۇندا حالىقتىڭ تىنىعۋىنا, بالالاردىڭ شىنىعۋىنا بارلىق جاعداي جاسالعان.
سونداي-اق بالالارعا ارنالعان سۋبۇرقاقتار مەن ويىن الاڭدارى دا بار. ەندى رەسپۋبليكا داڭعىلىنان اۋەزوۆ كوشەسىنە دەيىنگى بولىكتەگى سۋبۇرقاق قايتا جاڭارتىلادى, جانە «حالىقتار دوستىعى» مونۋمەنتىنىڭ اينالاسىندا جاڭا سۋبۇرقاق كەشەنى پايدا بولماق.
«جاڭادان سالىنعان بۋلۆار جوسپارىمىزعا سايكەس ءا.مامبەتوۆ كوشەسىمەن جالعاسىپ, وندا نۇر-سۇلتان قالاسىندا ەڭ ءبىرىنشى جاياۋ جۇرگىنشىلەرگە ارنالعان كوشە پايدا بولماقشى. وسى ايدىڭ ءبىرىنشى دەكاداسىندا تەحنيكالىق اشىلۋى بولادى», دەيدى سارىارقا اۋدانىنىڭ اكىمى ەسەت بايكەن.