اتىراۋ وبلىسىندا جاڭا ۇلگىدەگى سپورت الاڭى اشىلدى

جاڭا سپورت الاڭى ش.ءۋاليحانوۆ مەكتەبىنىڭ اۋلاسىندا بىلتىرعى قازاندا باستالىپتى.«سپورت الاڭىنىڭ قۇرىلىسىن «تەپلوينجستروي» جشس جۇرگىزدى. جالپى اۋماعى 0,377 گەكتاردى قۇرايتىن اشىق الاڭدا فۋتبول, باسكەتبول, ۆولەيبول, العاشقى اسكەري دايىندىق جانە Street Workout الاڭشاسى ورنالاسقان. ويىن الاڭدارى جاساندى كوگالمەن, جاتتىعۋ ورىندارى ارنايى جابىندىمەن قاپتالدى. جارىق شامدارى ورناتىلدى», دەيدى اۋدان اكىمىنىڭ ورىنباسارى ا.مۋساعاليەۆ.

ونىڭ ايتۋىنشا, مۇنداي سپورت الاڭدارىن س.سەيفۋللين, م.اۋەزوۆ, «كوكتەم» قازاق ورتا مەكتەپتەرىنىڭ اۋلاسىنا سالۋ جوسپارلانىپتى. قازىر جوبانىڭ سمەتالىق-قۇجاتتاماسى دايىندالعان.