ەلەك وزەنىنىڭ جاعاسىنا تىنىعۋعا بارىپ, سۋعا باتىپ بارا جاتقان ايەلىن قۇتقاراماق بولعان كۇيەۋى سۋعا كەتكەن, دەپ حابارلايدى Egemen.kz.
30 مامىردا وبلىستىق توتەنشە جاعدايلار دەپارتامەنتىنىڭ كەزەكشى بولىمىنە ەكى ادامنىڭ سۋعا باتىپ بارا جاتقانى تۋرالى اقپارات تۇسكەن. ولار اقتوبە قالاسى شيە باعى باۋ-باقشا ۇجىمىندا دەمالىپ, ەلەك وزەنىنە سۋعا تۇسكەن.
«سۋ ايدىندارىن ارالاۋ جۇمىستارىن جۇرگىزىپ جۇرگەن قالالىق توتەنشە جاعدايلار باسقارماسى قىزمەتكەرلەرى 59 جاستاعى ايەلدى قۇتقاردى. ال سۋعا باتىپ بارا جاتقان ايەلىن قۇتقارماق بولعان 60 جاستاعى اقتوبەلىكتى امان الىپ قالۋ مۇمكىن بولمادى. جەدەل قۇتقارۋ جاساعىنىڭ كۇشىمەن ازاماتتىڭ دەنەسى سۋ تۇبىنەن 2,5 مەتر تەرەڭنەن شىعارىلدى», دەپ حابارلايدى وبلىستىق تجد ءباسپاسوز قىزمەتى.