اقمولا وبلىسىنىڭ ەكى جۇزدەن استام نىسانى «Ashyq» جوباسى بويىنشا جۇمىس ىستەپ جاتىر, دەپ حابارلايدى Egemen.kz دەنساۋلىق ساقتاۋ مينيسترلىگىنىڭ سانيتاريالىق-ەپيدەميالىق باقىلاۋ كوميتەتىنىڭ ءباسپاسوز قىزمەتىنە سىلتەمە جاساپ.
21 ساۋىردە اقمولا وبلىسىنىڭ اۋماعىنداعى بيزنەس سۋبەكتىلەرى كوروناۆيرۋس ينفەكتسيانىڭ تارالۋ قاۋپىن ازايتۋ بويىنشا «Ashyq» جوباسىنا قوسىلدى.
قازىرگى تاڭدا وبلىس بويىنشا جوباعا قاتىسۋ ءۇشىن 285 ءوتىنىم تۇسكەن, ولاردىڭ 239-ى رەسمي تۇردە راسىمدەلىپ, كاسىپكەرلەرگە QR-كودتارى بەرىلدى.
اتالعان قوسىمشا پتر-ءدىڭ جالپى بازاسىمەن بىرىكتىرىلگەندىكتەن, جەكە تۇلعانىڭ ستاتۋسىن, ونىڭ ناۋقاسپەن قارىم قاتىناستا بولعانىن نەمەسە قاي ساناتقا جاتاتىندىعىن ءدال انىقتاۋعا مۇمكىندىك بەرەدى.
ماسەلەن, 27 مامىردا ششۋچە قالاسىنداعى كينوتەاترىنا «قىزىل» ستاتۋسى بار ەر ادام كىرمەك بولعان. انىقتالعان كەلۋشىنىڭ كينوتەاترعا كىرۋىنە جول بەرىلگەن جوق.
«Ashyq» جوباسى ىسكە قوسىلعاننان بەرى اقمولا وبلىسىنداعى قوعامدىق نىساندارعا «سارى» ستاتۋسى بار 11, «قىزىل» ستاتۋسى بار 7 ادام وتپەك بولعان.