اقپارات جانە قوعامدىق دامۋ ۆيتسە-ءمينيسترى بولات تلەپوۆتىڭ توراعالىعىمەن اقپاراتقا قول جەتكىزۋ ماسەلەلەرى جونىندەگى كوميسسيانىڭ كەزەكتى وتىرىسى ءوتتى.
وتىرىستا مينيسترلىكتىڭ قازاقستان رەسپۋبليكاسىنداعى اقپاراتقا قول جەتكىزۋ سالاسىنىڭ جاي-كۇيى تۋرالى جىلدىق ەسەبىنىڭ جوباسى تانىستىرىلدى. مەملەكەت جانە قوعام كوممۋنيكاتسيالارىن دامىتۋ دەپارتامەنتىنىڭ ديرەكتورى ب.راحيموۆ ءوز بايانداماسىندا ەسەپتىڭ قۇرىلىمىن بايانداپ, سونداي-اق كوميسسيا مۇشەلەرىن جوبانى جاريا تالقىلاۋ بويىنشا جۇرگىزىلگەن جۇمىس تۋرالى حاباردار ەتتى. مەملەكەتتىك ورگاندار مەن كوميسسيا مۇشەلەرىنەن كەلىپ تۇسكەن ەسكەرتۋلەر مەن ۇسىنىستار ەسەپتە ەسكەرىلگەنىن اتاپ ءوتۋ قاجەت.
سونداي-اق, وتىرىستا كوميسسيا مۇشەلەرى ب.نۇرعازيەۆا, و.ديدەنكو, ر.وشاقباەۆ ءسوز سويلەدى. كوميسسيا مۇشەلەرى ەسەپتىڭ مازمۇنى بويىنشا وڭ پىكىرلەر ايتتى. سونىمەن قاتار و.ديدەنكو كوميسسياعا ەسەپتى ىسكە اسىرۋ بارىسىن مونيتورينگتەۋ وكىلەتتىكتەرىن بەرۋ تۋرالى ۇسىنىس ءبىلدىردى. وتىرىس قورىتىندىسى بويىنشا كوميسسيا ەسەپ مازمۇنىنا بىرقاتار ۇسىنىمدار ازىرلەدى.