Ashyq قوسىمشاسىنان تاعى دا اقاۋلار شىقتى, دەپ حابارلايدى Egemen.kz.
بۇل تۋرالى قىزمەتتىڭ Telegram-ارناسىندا ءمالىم بولدى.
«قۇرمەتتى Ashyq قىزمەتىن قولدانۋشىلار! قازىر قوسىمشادا تەحنيكالىق اقاۋلار بار. ۋاقىتشا قولايسىزدىقتار تۋدىرعانىمىز ءۇشىن كەشىرىم سۇرايمىز», دەلىنگەن 27 مامىردا ساعات 13.10-دا جاريالانعان حابارلامادا.
ساعات 13.25-تە ارنادا قىزمەت قالپىنا كەلگەنى تۋرالى حابارلاما جاريالاندى. الايدا كەيبىر قولدانۋشى ءالى دە قوسىمشاعا كىرە الماي وتىر.
ەسكە سالايىق, قولدانۋشىلار Ashyq باعدارلاماسىنداعى اقاۋلارعا بىرنەشە رەت شاعىم ايتقان بولاتىن.