2021 جىلدىڭ I توقسانىندا قازاقستانداعى جۇمىسسىزدار سانى وتكەن جىلدىڭ IV توقسانىمەن سالىستىرعاندا 1,7 مىڭ ادامعا ازايدى, دەپ حابارلايدى Egemen.kz ەڭبەك مينيسترلىگىنە سىلتەمە جاساپ.
كوروناۆيرۋس پاندەمياسى كەزەڭىندە شەكتەۋ شارالارىنا قاراماستان, قازاقستاندا جۇمىسسىزدىق دەڭگەيىنىڭ ءوسۋى تىركەلگەن جوق.
ماسەلەن, 2021 جىلدىڭ I توقسانىندا جۇمىسسىزدىق دەڭگەيى 4,9%-دى قۇرادى, بۇل وتكەن جىلدىڭ سايكەس كەزەڭىندەگى كورسەتكىشتەن 0,1%-عا جوعارى.
سالىستىرۋ ءۇشىن, پاندەميا كەزەڭىندە دامىعان ەلدەردە جۇمىسسىزدىق دەڭگەيىنىڭ كۇرت ءوسۋى بايقالدى: اقش-تا 8,1%-عا دەيىن (+4,4%), كانادادا 9,6%-عا دەيىن (+3,9%), يسپانيادا 15,5%-عا دەيىن (+1,4%.).
سونىمەن قاتار اعىمداعى جىلدىڭ I توقسانىندا قازاقستاندا جۇمىسپەن قامتۋ ەكونوميكانىڭ بارلىق سالالارىندا قالپىنا كەلتىرىلدى, ءوسىم ورتا ەسەپپەن 1,8%-دى قۇرادى.
قر ۇكىمەتى قابىلداعان داعدارىسقا قارسى جوسپارلى شارالار پاندەميانىڭ ەڭبەك نارىعىنا سالدارىن تەڭەستىرۋگە مۇمكىندىك بەردى.
تەك 2020 جىلى مەملەكەتتىك باعدارلامالاردى ىسكە اسىرۋ شەڭبەرىندە جۇمىسپەن قامتۋدىڭ ءتۇرلى شارالارىمەن 1,4 ملن-نان استام قازاقستاندىق قامتىلدى.
اعىمداعى جىلى حالىقتى جۇمىسپەن قامتۋ بويىنشا كەشەندى جۇمىس جالعاساتىن بولادى.
جۇمىس ىزدەۋدە قيىندىق كورىپ جۇرگەن قازاقستاندىقتار حالىقتى جۇمىسپەن قامتۋ ورتالىقتارىنا جۇگىنە الادى, جۇمىسسىز رەتىندە تىركەلىپ, جۇمىسقا ورنالاسۋدا بىلىكتى كومەك الا الادى.