سالالىق جۋرناليستەردى وقىتۋ جالعاسادى – ايدا بالاەۆا

«بيىل بۇل جۇمىستاردى باستاپ كەتتىك. جۋرناليستەردى وقىتۋ, بىلىكتىلىكتەرىن ارتتىرۋ بويىنشا ناقتى جوسپار بار. سوندىقتان بۇل جۇمىس ءداستۇرلى ءارى جۇيەلى تۇردە جالعاسادى. ويتكەنى باق-تى, كاسىبي جۋرناليستەردى قولداۋعا مۇددەلىمىز. بۇگىندە ءتۇرلى سالا باعىتىندا ءۇش توپ وقىدى. الداعى ۋاقىتتا دا ونلاين فورماتتا جالعاسىن تابادى. بۇل قاتىسۋشىلاردى, ونىڭ ىشىندە ءوڭىر جۋرناليستەرىن كەڭىنەن تارتۋعا مۇمكىندىك بەرىپ, ولاردىڭ دامۋىنا سەپتىگىن تيگىزەدى», دەدى مينيستر.

ونىڭ ايتۋىنشا, قازىرگى ۋاقىتتا مەديتسينا, ءدىن, ءىت-تەحنولوگيا, ەكولوگيا باعىتتارىنداعى جوعارى وقۋ ورىندارىندا جۋرناليستەردى سالالىق وقىتۋ جۇزەگە اسىرىلدى.

«بۇل تىزبە كەڭەيتىلە تۇسەتىن بولادى. جوسپارىمىزدا قوعامىمىز ءۇشىن ماڭىزدى اۋىل شارۋاشىلىعى, ەتنوسارالىق قاتىناس ماسەلەلەرىندە جوعارى وقۋ ورىندارىمەن جۇمىس ىستەۋ بار. تاعى دا قايتالاپ ايتامىن, جۇمىستى باستادىق ءارى ول جۇيەلى تۇردە جالعاسا بەرەدى», دەدى ايدا بالاەۆا.