اقپارات جانە قوعامدىق دامۋ ءمينيسترى ايدا بالاەۆا حالىق الدىنداعى ەسەپ بەرۋ كەزدەسۋىندە جاستاردىڭ ەكولوگيالىق ساۋاتتىلىق دەڭگەيىن ارتتىرۋ ماسەلەسى تۋرالى ايتتى, دەپ حابارلايدى Egemen.kz.
«جاستاردىڭ ەكولوگيالىق ساۋاتتىلىق دەڭگەيىن ارتتىرۋ – بۇگىنگى كۇننىڭ وتكىر تاقىرىپتارىنىڭ ءبىرى. بۇل باعىتتا, مينيسترلىك تاراپىنان جۇيەلى جۇمىستار لەگى اتقارىلىپ كەلەدى. بيىلعى 25 ءساۋىر مەن 25 مامىر ارالىعىندا ەل بويىنشا 80 مىڭنان استام جاستار وكىلىن قامتىعان «كيەلى تابيعات» رەسپۋبليكالىق ەكولوگيالىق جوباسى ىسكە استى», دەدى ايدا بالاەۆا.
مينيستر بۇل باعىتتا نەگىزىنەن اقپاراتتىق-اعارتۋ جۇمىسىنا باسا نازار اۋدارىلاتىندىعىن ايتتى.
«الداعى ۋاقىتتا ەكولوگيالىق جاستار تەاترى مەن ارنايى YouTube-ارنا اشۋ جوسپاردا بار», دەدى مينيستر.