وتباسى ساياساتى باعىتىندا «2030 جىلعا دەيىن گەندەرلىك جانە وتباسىلىق ساياسات تۇجىرىمداماسىن ىسكە اسىرۋدىڭ ءىس-شارالار جوسپارىنىڭ» ەكىنشى كەزەڭى بەكىتىلدى. بۇل تۋرالى اقپارات جانە قوعامدىق دامۋ ءمينيسترى ايدا بالاەۆا ايتتى, دەپ حابارلايدى Egemen.kz.
«تۇجىرىمداما نەگىزىنەن وتباسى ينستيتۋتىن نىعايتۋ, رەپرودۋكتيۆتى دەنساۋلىق كۇتىمى, گەندەرلىك تەڭدىك, تۇرمىستىق زومبىلىقتى بولدىرماۋ ماسەلەلەرىن قامتيدى. سونىڭ ىشىندە, تۇرمىستىق زومبىلىقپەن كۇرەس ماسەلەسى وتە وزەكتى. وكىنىشكە وراي بىلتىرعى كارانتيندىك وقشاۋلانۋ كەزىندە تۇرمىستىق جانجال فاكتىلەرى كۇرت وسكەنى ءبىلىندى. ال بۇل ماسەلەمەن اينالىساتىن ورتالىقتار ەلىمىزدەگى تەك ءىرى قالالاردا عانا شوعىرلانعان. قازىر ەل اۋماعىندا تۇرمىستىق زومبىلىق قۇرباندارىنا ارنالعان 65 داعدارىس ورتالىعى جۇمىس ىستەيدى», دەدى ايدا بالاەۆا.
ءمينيستردىڭ ايتۋىنشا, بۇگىندە ءاربىر اۋدان جانە قالادا وسىنداي ورتالىقتار اشۋ قولعا الىنۋدا. 2025 جىلعا دەيىن ولاردىڭ سانىن 234-كە جەتكىزۋ كوزدەلىپ وتىر.