سەمەي كوشى-قون قىزمەتىنىڭ وكىلدەرى قوس ازاماتتىعى بار 64 جاستاعى ەر ادامدى ۇستادى, دەپ حابارلايدى Egemen.kz.
«ول رەسەي فەدەراتسياسىنىڭ ازاماتى بولا تۇرا, مەملەكەتتىك شەكارادان وتكەن كەزدە قازاقستان رەسپۋبليكاسى ازاماتىنىڭ جەكە كۋالىگىن پايدالانعان. ونىڭ كۋالىگى تاركىلەنىپ, قر ازاماتتىعىنان ايىردىق», دەپ مالىمدەدى شقو پوليتسيا دەپارتامەنتى.
قازاقستاندىق قۇجاتتاردى پايدالانعانى ءۇشىن رەسەيلىك ازاماتقا اكىمشىلىك تارتىپپەن 100 اەك ايىپپۇل سالىنىپ, قر اۋماعىنان شىعارىلدى.
ەسكە سالا كەتەيىك, قازاقستاندا قوس ازاماتتىققا جول بەرىلمەيدى, ياعني شەتەل ازاماتى ءبىر مەزگىلدە قازاقستان ازاماتى بولا المايدى.