7 جاستان 16 جاسقا دەيىنگى بالالاردى مۇگەدەكتىك توپتارى بويىنشا ءبولۋ كوزدەلەدى. بۇل تۋرالى پارلامەنت ءماجىلىسىنىڭ جالپى وتىرىسىندا ازاماتتاردىڭ جەكەلەگەن ساناتتارىن الەۋمەتتىك قورعاۋ ماسەلەلەرى بويىنشا زاڭ جوباسىن تالقىلاۋ كەزىندە قر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ءمالىم ەتتى, دەپ حابارلايدى Egemen.kz.
«بالا دەنساۋلىعىنىڭ بۇزىلۋ دارەجەسىن جانە تىنىس-تىرشىلىك ارەكەتىنىڭ شەكتەلۋىن ەسكەرە وتىرىپ, زاڭ جوباسىندا 7 جاستان 16 جاسقا دەيىنگى بالالاردى مۇگەدەكتىك توپتارى بويىنشا ءبولۋ كوزدەلەدى. بۇل شارا بالالار اۋرۋىنىڭ دارەجەسىنە قاراي وڭالتۋ ءىس-شارالارى مەن الەۋمەتتىك كومەكتى, ونىڭ ىشىندە جاردەماقىلار مولشەرى بولىگىندە سارالاۋعا مۇمكىندىك بەرەدى. بۇل رەتتە مۇگەدەكتىگى بار بالالاردىڭ بارلىق توپتارى ءۇشىن جاردەماقى مولشەرى 16,7 پايىزدان 37 پايىزعا دەيىن ۇلعايتىلادى. بۇل شارا 30 مىڭنان استام مۇمكىندىگى شەكتەۋلى بالاعا قاتىستى بولادى», دەدى مينيستر.