پوليتسياعا پارا بەرمەك بولعان جۇرگىزۋشىنىڭ باسى داۋعا قالدى

پوليتسيا دەپارتامەنتىنىڭ وزىندىك قاۋىپسىزدىك باسقارماسى ىشكى ىستەر ورگاندارىنىڭ سىبايلاس جەمقورلىققا قارسى باعدارلاماسىن ىسكە اسىرۋ شەڭبەرىندە لاۋازىمدى تۇلعالارعا پارا بەرۋ فاكتىلەرىن انىقتاۋ بويىنشا تۇراقتى نەگىزدە ءىس-شارالار جۇرگىزەدى. 

ء«ساۋىر ايىندا وبلىس ورتالىعىنىڭ تۇرعىنى ءوزىن اكىمشىلىك جاۋاپكەرشىلىككە تارتپاۋ ءۇشىن پاۆلودار قالاسىنىڭ پاترۋلدىك پوليتسيا باتالونىنىڭ  قىزمەت ينسپەكتورىنا ەكى مىڭ تەڭگە مولشەرىندە زاڭسىز اقشالاي سىياقى بەرمەكشى بولعانى تۋرالى تەلەفون حابارلاماسى ءتۇستى. جۇرگىزۋشى جول قيىلىستارىنان ءوتۋ ەرەجەلەرىن نەمەسە جولدىڭ ءجۇرۋ بولىگىن كەسىپ ءوتۋ ەرەجەلەرىن بۇزعانى انىقتالدى. ونى پوليتسيا قىزمەتكەرلەرى توقتاتىپ, ەر ادامعا قاتىستى قازاقستان رەسپۋبليكاسى  اقبتك 594-بابى بويىنشا اكىمشىلىك ءىس قوزعالدى. جۇرگىزۋشى ماسەلەنى پارا بەرۋ ارقىلى شەشپەك بولعان», دەدى پوليتسيا دەپارتامەنتى وزىندىك قاۋىپسىزدىك باسقارماسىنىڭ باستىعى تولەگەن الپىسباەۆ. 

ەر ادامعا قاتىستى قازاقستان رەسپۋبليكاسى قك 367-بابى بويىنشا سوتقا دەيىنگى تەرگەۋ جۇرگىزىلدى. سوت ەر ادامدى كىنالى دەپ تانىپ, 11, 25 اەك (پارا مولشەرىنىڭ ەسەلەنگەن) مولشەرىندە, 22 500 تەڭگە سوماسىندا ايىپپۇل تۇرىندە جازا تاعايىندادى. 

سونداي-اق ول ءومىر بويىنا مەملەكەتتىك قىزمەتتە, سۋديا, جەرگىلىكتى ءوزىن-ءوزى باسقارۋ ورگاندارىندا, قازاقستان رەسپۋبليكاسىنىڭ ۇلتتىق بانكى مەن ونىڭ ۆەدومستۆولارىندا, قارجى نارىعى مەن قارجى ۇيىمدارىن رەتتەۋ, باقىلاۋ مەن قاداعالاۋ جونىندەگى ۋاكىلەتتى ورگاندا, مەملەكەتتىك ۇيىمدار مەن كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ايىرىلدى.