جۇمىسپەن قامتۋ – وزەكتى ماسەلە

ۆاكتسينالاۋ قارقىنىن ارتتىرۋ كەرەك

حالىقتى ۆاكتسينالاۋ بارىسى مەن قازىرگى جاعداي تۋرالى دەنساۋلىق ساقتاۋ ءمينيسترى الەكسەي تسوي, وڭىرلەردەگى احۋال تۋرالى باتىس قازاقستان وبلىسىنىڭ اكىمى عالي ەسقاليەۆ, اتىراۋ وبلىسىنىڭ اكىمى ماحامبەت دوسمۇحامبەتوۆ, قاراعاندى وبلىسىنىڭ اكىمى جەڭىس قاسىمبەك بايان­دادى.

قازىرگى ۋاقىتتا قازاقستاندا COVID-19-بەن اۋىرۋ جاعدايىنىڭ تۇراقتالعانى بايقالادى. ۆيرۋستىڭ رەپرودۋكتيۆتى يندەكسى – 0,95. ينفەكتسيالىق توسەك ورىندار – 33%-عا, رەانيماتسيالىق توسەك ورىندار 26%-عا تولعان. التى ءوڭىر «قىزىل ايماقتا» تۇر: نۇر-سۇلتان جانە الماتى قالالارى, باتىس قازاقستان, اقمولا, قاراعاندى, اتىراۋ وبلىستارى.

بۇگىنگى تاڭدا قازاقستاندا 3 ملن ەكپە جاسالدى, ونىڭ ىشىندە 2 ملن ادام ءبىرىنشى كومپونەنتتى, 1 ملن ادام ەكىنشى كومپونەنتتى الدى. ەلدە ۆاكتسينالاردىڭ جەتكىلىكتى كولەمى بار, ولاردىڭ قورى تولىقتىرىلىپ وتىرادى. ەگۋ پۋنكتتەرىنىڭ سانىن ارتتىرۋ بويىنشا شارالار قابىلدانۋدا.

ۇكىمەت باسشىسى حالىقتى ۆاكتسينالاۋ قارقىنىن ارتتىرۋدى تاپسىردى. «قازىرگى تاڭدا ەگۋ ناۋقانىن كەڭەيتۋ – پاندەميامەن كۇرەسۋدەگى ەڭ ماڭىزدى مىندەت», دەدى ا.مامين.

دەنساۋلىق ساقتاۋ مينيسترلىگىنە تسيفر­لىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ Ashyq قوسىمشاسىن «ۆاكتسيناتسيا» مودۋلىمەن جانە «Egov»-تاعى ۆاكتسينالاۋ پاسپورتىمەن ينتەگراتسيالاۋ بويىنشا جەدەل شارالار قابىلداۋ تاپسىرىلدى.

جۇمىسپەن قامتۋعا – 300 ملرد تەڭگە

ۇكىمەت وتىرىسىندا جۇمىسپەن قامتۋدىڭ جول كارتاسىن (جقجك) ىسكە اسىرۋ بارىسى قارالدى. ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ, «بايتەرەك» ۇبح» اق باسقارما توراعاسى ايدار ءارىپحانوۆ, الماتى وبلىسىنىڭ اكىمى اماندىق باتالوۆ, سولتۇستىك قازاقستان وبلىسىنىڭ اكىمى قۇمار اقساقالوۆ, شىمكەنت قالاسىنىڭ اكىمى مۇرات ايتەنوۆ بايانداما جاسادى.

ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ 2020 جىلى جۇمىسپەن قامتۋدىڭ جول كارتاسى شەڭبەرىندە قۇرىلىس, رەكونسترۋكتسيالاۋ, كۇردەلى جانە اعىمداعى جوندەۋ جۇمىستارى بويىنشا 6,6 مىڭ ينفراقۇرىلىمدىق جوبا ىسكە اسىرىلعانىن ايتتى. بارلىعى 239 مىڭ ادام جۇمىسپەن قامتىلدى, ونىڭ ىشىندە 120 مىڭ ادام جۇمىسپەن قامتۋ ورتالىقتارىنىڭ جولدامالارى بويىنشا جۇمىسقا ورنالاستىرىلدى. «جۇمىسپەن قامتۋدىڭ جول كارتاسى ءۇش اۋىسىمدى, اپاتتى مەكتەپتەردىڭ ماسەلەسىن ءىشىنارا شەشۋگە, اۋىل تۇرعىندارىنىڭ ءبىلىم الۋعا, دەنساۋلىق ساقتاۋعا, تازا اۋىز سۋعا قول جەتكىزۋىنە, سۋارمالى, جايىلىمدىق جەرلەر كولەمىن ۇلعايتۋعا جانە اۋىلدىق ەلدى مەكەندەردى گازداندىرۋعا مۇمكىندىك بەردى. سونداي-اق جۇمىسسىزدىقتىڭ 4,9% دەڭگەيىندە ساقتالۋىنا ىقپال ەتتى», دەدى ەڭبەك جانە حالىقتى الەۋمەتتىك قورعاۋ ءمينيسترى.

بيىل جۇمىسپەن قامتۋدىڭ جول كارتاسىن ىسكە اسىرۋعا 300 ملرد تەڭگە كوزدەلگەن. ونىڭ ىشىندە مەملەكەت باسشىسىنىڭ تاپسىرماسى بويىنشا ۇلتتىق بانكتەن وبليگاتسيالىق قارىز ەسەبىنەن 200 ملرد تەڭگە ءبولىندى. جول كارتاسى حالىقتىڭ ءومىر ءسۇرۋ ساپاسىن ارتتىرۋ; شاعىن جانە ورتا بيزنەس ءۇشىن قارجىلاندىرۋدىڭ قولجەتىمدىلىگىن ارتتىرۋ; اگروونەركاسىپتىك كەشەندى دامىتۋ; وڭىرلەردە بيزنەستى دامىتۋ سەكىلدى ءتورت باعىت بويىنشا ىسكە اسىرىلۋدا. قاراجاتتىڭ 42,5%-ى حالىقتىڭ ءومىر ءسۇرۋ ساپاسىن ارتتىرۋعا, 33,3%-ى اگروونەركاسىپتىك كەشەندى دامىتۋعا, 24,2%-ى وڭىرلەردە بيزنەستى دامىتۋعا جانە شاعىن نەسيە بەرۋگە باعىتتالدى.

شاعىن نەسيەلەر «اتامەكەن» ۇكپ مەن جەرگىلىكتى اتقارۋشى ورگانداردىڭ قاتىسۋىمەن قۇرىلعان ميكروقارجى ۇيىمدارى ارقىلى بەرىلەتىن بولادى. ءبىرىنشى باعىت بويىنشا بارلىعى 136 جوبا ىسكە اسىرىلىپ, 19 مىڭ جۇمىس ورنى, ونىڭ ىشىندە 7,5 مىڭ تۇراقتى جۇمىس ورنى قۇ­رىلادى. «64 جاڭا مەكتەپتىڭ, 13 دەنساۋلىق ساقتاۋ نىسانىنىڭ قۇرىلىسى, سۋارۋ كە­شەنىن جانە تۇرعىن ءۇي-كوممۋنالدىق شارۋاشىلىق جۇيەسىن جاڭارتۋ بويىنشا جۇمىستار جۇرگىزىلەتىن بولادى», دەدى سەرىك شاپكەنوۆ.

جوبالاردى ىرىكتەۋ كەزىندە تۇراقتى جۇمىس ورىندارىن قۇرۋعا جانە 3 اۋىسىمدى جانە اپاتتى مەكتەپتەردى ازايتۋعا, دەنساۋلىق ساقتاۋ نىساندارىنا, سۋارمالى جەرلەردىڭ كولەمىن ۇلعايتۋعا باستى نازار اۋدارىلدى. مەملەكەت باسشىسىنىڭ تاپسىرماسىنا سايكەس «شاعىن جانە ورتا بيزنەس ءۇشىن قارجىلاندىرۋدىڭ قولجەتىمدىلىگىن ارتتىرۋ» باعىتى بو­يىنشا جەڭىلدەتىلگەن شارتتارمەن 6%-عا دەيىنگى مولشەرلەمەمەن شاعىن نەسيە بەرۋ كوزدەلگەن. جالپى سوماسى 22,5 ملرد تەڭگەنى قۇرايتىن 5,4 مىڭ جوبانىڭ الدىن الا ءتىزىمى ازىرلەندى, وعان ەت, ءسۇت, ازىق-ت ۇلىك ونەركاسىبى ونىمدەرىن ءوندىرۋ جانە وڭدەۋ, قىزمەت كورسەتۋ جانە تاعى باسقا سالالارداعى بيزنەس جوبالار ەندى.

شاعىن نەسيەلەندىرۋ تيىمدىلىگىن ارتتىرۋ ءۇشىن وڭىرلەردە 15 شاعىن قارجى ۇيى­مى قۇرىلدى. ميكروكرەديت الۋشىلار 10,6 مىڭ قوسىمشا جۇمىس ورنىن قۇراتىن بولادى.

اگروونەركاسىپ كەشەنىن دامىتۋ با­عىتى بويىنشا اۋىل شارۋاشىلىعى مينيس­تر­لىگىمەن جانە «بايتەرەك» حولدين­گىمەن بىرلەسىپ, جالپى قۇنى 100 ملرد تەڭگەنى قۇرايتىن 42 ينۆەستيتسيالىق جوبا ىسكە اسىرىلادى. سوڭعى قارىز الۋشى ءۇشىن سىياقى مولشەرلەمەسى سۋبسي­ديا­لاۋ ارقىلى 6%-دان اسپايتىن بولادى. جو­با­­لاردى ىرىكتەۋدە: جۇمىسپەن قام­تۋ­دى قولداۋ جانە جۇمىس ورىندارىن قۇرۋ; پىسىقتالۋىنىڭ جوعارى دەڭگەيى; ازىق-ت ۇلىك تاۋارلارىن يمپورتتاۋدىڭ قىس­­­قارۋى كريتەريلەرىنە باسا نازار اۋدا­­رىلدى. 2,2 مىڭ ۋاقىتشا جانە 3,8 مىڭ تۇراقتى جۇمىس ورنى قۇرىلادى. «بيز­­­­­نەستى دامىتۋ شەڭبەرىندە وڭىرلەردە بيز­­نەس سۋبەكتىلەرىنە جەڭىلدەتىلگەن شارت­­تا­ر­­مەن كرەديتتەر جانە قارىز بەرۋ, جار­عى­­لىق كاپيتالعا ينۆەستيتسيالاۋ, قار­جى­­­لاي ەمەس قولداۋ كورسەتۋ ەسەبىنەن شاما­­­مەن 6 مىڭ جۇمىس ورنى قۇرىلاتىن بولا­دى», دەدى ەڭبەك مينيسترلىگىنىڭ باسشىسى.

بيىل جۇمىسپەن قامتۋدىڭ جول كارتاسى شەڭبەرىندە 35,6 مىڭ جۇمىس ورنى, ونىڭ ىشىندە 55%-دان استام تۇراقتى جۇمىس ورنى قۇرىلادى. وتباسى مۇشەلەرىن ەسەپكە العاندا شامامەن 80 مىڭ ادام تۇراقتى تابىسپەن قامتىلادى. الەۋمەتتىك اكتيۆتەر قۇرۋ ارقىلى الەۋمەتتىك ينفراقۇرىلىم جاقسارادى; نارىق جاڭا وندىرىستەردى قۇرۋ ارقىلى وتاندىق ازىق-ت ۇلىك تا­ۋارلارىمەن تولىعادى; ىشكى جالپى ءونىم قۇرىلىمىندا شاعىن جانە ورتا بيزنەستىڭ ۇلەسىن ارتتىرۋعا قول جەتكىزىلەدى.

«بايتەرەك» ۇبح» اق باسقارما تور­اعاسى ايدار ءارىپحانوۆتىڭ ايتۋىنشا, حولدينگ بيزنەس-باستامالاردى دامىتۋدى ىلگەرىلەتۋ جانە ازاماتتاردىڭ ءومىر ءسۇرۋ ساپاسىن جاقسارتۋ ماقساتىندا قولدانىستاعى تەتىك شەڭبەرىندە ۇلتتىق بانكتىڭ قاراجاتىنان اينالىم مەرزىمى 10 جىل جانە جىلدىعى 7% سىياقى مول­شەر­لەمەسىمەن 200 ملرد تەڭگە كولەمىندە وبليگاتسيالىق قارىز تارتۋدى جوسپارلاپ وتىر. سونداي-اق حولدينگتىڭ وبليگاتسيالارىن ورنالاستىرۋدان تۇسكەن قاراجات وسىنداي 10 جىل مەرزىمگە مىناداي باعىتتار بويىنشا بولىنەتىن بولادى: جاو قارجى­لاندىرۋعا 100 ملرد تەڭگە, اوك قارجىلاندىرۋعا 100 ملرد تەڭگە.

الماتى وبلىسىنىڭ اكىمى اماندىق با­تالوۆ حابارلاعانداي, پاندەميا كەزىندە جۇمىسپەن قامتۋدىڭ جول كارتاسىن ۋاق­تىلى جۇزەگە اسىرۋ جۇمىسسىزدىقتىڭ وسۋىنە جول بەرمەي, وبلىس تۇرعىندارىنىڭ ءومىر ءسۇرۋ ساپاسىن ارتتىرۋعا باعىتتالعان كوپ­تەگەن ماسەلەنى شەشۋگە مۇمكىندىك بەردى. 82 جوبا اۋىلدىق جەرلەردە ىسكە اسى­­رىلدى.

الماتى وبلىسىنىڭ 2021 جىلعا ارنال­عان قارجىلاندىرۋ ءليميتى 31,8 ملرد تەڭگەنى قۇرايدى, ونىڭ ىشىندە 8 ينفرا­قۇرىلىمدىق جوبانى ىسكە اسىرۋعا 13,1 ملرد تەڭگە, اوك جوبالارىن كرەديتتەۋگە 14,3 ملرد تەڭگە جانە بيزنەستى قولداۋعا 2,4 ملرد تەڭگە كوزدەلگەن. بۇگىندە 7 مەكتەپتىڭ قۇرىلىسىنا جەر تەلىمدەرى ءبولىندى, مەم­لەكەتتىك ساتىپ الۋ كونكۋرستارى وتكىزىلدى, مەر­دىگەرلىك كەلىسىمشارتتار جاسالدى. «اگ­رو­ونەركاسىپتىك كەشەندە بيىل 29 ملرد تەڭ­گە سوماسىنا 24 جوبانى ىسكە قوسۋ جوس­پار­لانعان. «بايتەرەك» ۇبح» اق ارقىلى جەڭىلدىكتى نەسيەلەندىرۋ ولاردى ىسكە اسىرۋ ءۇشىن جاقسى قولداۋ بولادى», دەدى ا.باتالوۆ.

قازىرگى ۋاقىتتا 18,8 ملرد تەڭگە سوماسىنا 9 جوبا قارالۋدا, ونىڭ 14,3 ملرد تەڭگەسى جقجك باعدارلاماسى بويىنشا بەرىلەتىن بولادى. شاعىن نەسيەلەندىرۋدى ىسكە اسىرۋ ءۇشىن «اتامەكەن» ۇكپ جانە «جەتىسۋ» اكك بىرلەسىپ, شاعىن قارجى ۇيىمىن قۇردى, سول ارقىلى 480-نەن استام جوبا قارجىلاندىرىلىپ, 550-گە جۋىق تۇراقتى جۇمىس ورنى قۇرىلماق. بارلىق ۇيىمداستىرۋ ماسەلەسى شەشىلدى. جالپى, باعدارلاما اياسىندا 500-دەن استام جوبانى جۇزەگە اسىرۋ جانە قوسىمشا 2,8 مىڭعا جۋىق تۇراقتى جۇمىس ورنىن قۇرۋ جوسپارلانۋدا.

سولتۇستىك قازاقستان وبلىسىنىڭ اكىمى قۇمار اقساقالوۆتىڭ ايتۋىنشا, وڭىردە جۇمىسپەن قامتۋدىڭ جول كارتاسى ىسكە اسىرىلۋدا, سونىڭ ناتيجەسىندە وتكەن جىلى 6 893 جاڭا جۇمىس ورنى قۇرىلىپ 36 ملرد تەڭگەگە 360 جوبا جۇزەگە اسىرىلدى. بۇل قاراجات 5 الەۋمەتتىك نىساندى سالۋعا, 143 الەۋمەتتىك ماڭىزى بار نىساندى جوندەۋگە, سونداي-اق 50 اۋىلدى اباتتاندىرۋعا جۇمسالعان. اكىمنىڭ ايتۋىنشا, 2020 جىلعى جوبالار تۇرعىنداردىڭ جالاقى تۇرىندە 2,7 ملرد تەڭگە تابىس الۋىنا, وتاندىق ءونىم شىعارۋشىلارعا 29 ملرد تەڭگەگە قولداۋ كورسەتۋگە جانە 3,6 ملرد تەڭگەگە بيۋدجەتتىڭ كىرىس بولىگىن تولتىرۋعا مۇمكىندىك بەردى.

بيىل 3,9 ملرد تەڭگە سوماسىنا 12 جوبا ىسكە اسىرىلادى. قارجىنىڭ 75%-ى الەۋمەتتىك نىسانداردى, 25%-ى ينجەنەرلىك ينفراقۇرىلىمداردى سالۋعا جۇمسالادى. «1 ملرد تەڭگە كولەمىندە كرەديت بەرۋ ءۇشىن 250 ادامنان پۋل ايقىندالدى. «اتا­مە­كەن قىزىلجار» شاعىن قارجى ۇيىمى قۇرىلدى. ورتاشا نەسيە مولشەرى – 4 ملن تەڭ­گە. قارىزعا الىنعان قاراجاتتىڭ 80%-ى اۋىل شارۋاشىلىعى سالاسىنداعى باستاما­لاردى قولداۋعا; 20%-ى قىزمەت كورسەتۋ سالاسىن دامىتۋعا جۇمسالاتىن بولادى. 500 جاڭا جۇمىس ورنى قۇرىلادى», دەدى ق. اقساقالوۆ.

سونىمەن قاتار وڭىردە 1,1 ملرد تەڭ­گەگە 2 ءسۇت فەرماسىن سالۋ كوزدەلگەن. بيز­نەس­كە قولداۋ كورسەتۋگە 720 ملن تەڭگە جۇمسالاتىن بولادى. «جالپى, وڭىردە بار­لىعى 1,5 مىڭ جاڭا جۇمىس ورنى اشىلىپ, بيۋدجەتكە 600 ملن تەڭگە سالىق قۇيىلماق», دەپ ناقتىلادى وبلىس باسشىسى. 

شىمكەنت قالاسىنىڭ اكىمى مۇرات ايتەنوۆ 2020 جىلى شىمكەنت قالاسى بويىنشا جۇمىسپەن قامتۋدىڭ جول كارتاسى شەڭبەرىندە 44,7 ملرد تەڭگە ءبولىنىپ, 239 جوبا ىسكە اسىرىلعانىن حابارلادى. ناتيجەسىندە, وڭىردە 8 753 جۇمىس ورنى اشىلىپ, 634 ادام تۇراقتى جۇمىسپەن قامتىلعان. سونىمەن قاتار توزىعى جەتكەن 15 ءبىلىم مەكەمەسىنىڭ عيماراتى كۇردەلى جون­­دەۋدەن وتكىزىلگەن. ءۇش اۋىسىمدا وقى­تۋدى جويۋ ماقساتىندا ەكى مەكتەپتىڭ جانى­نان قوسىمشا 300 ورىندىق وقۋ كورپۋسى سا­لىندى. 9 مەكتەپتە سپورت الاڭى جاساق­تالعان.

م.ايتەنوۆتىڭ سوزىنشە, بۇدان باسقا, 27 مىڭعا جۋىق ادام ساپالى اۋىز سۋمەن قامتىلعان. كارىزبەن قامتىلعان تۇر­عىندار سانى 12 مىڭ ادامعا ارتىپ, قام­تىلۋ كورسەتكىشى 50,2%-عا دەيىن وسكەن. ۇزىندىعى 10 شاقىرىمدى قۇرايتىن, 369 گەكتار جەردى سۋمەن قامتاماسىز ەتەتىن «وتەمىس» كانالىنىڭ ارناسى جانە 109 اۆتوموبيل جولى جوندەۋدەن وتكىزىلدى. 106 كوپقاباتتى تۇرعىن ءۇيدىڭ اۋلالارى اباتتاندىرىلىپ, بالالار ويىن الاڭى ورناتىلدى. «2021 جىلى شىمكەنت قالاسى بويىنشا جالپى 33 مىڭنان استام ادامدى, ونىڭ ىشىندە «جۇمىسپەن قامتۋدىڭ جول كارتاسى» شەڭبەرىندە 1,5 مىڭ ادامدى جۇمىسپەن قامتۋ جوسپارلانىپ وتىر. وسى ماقساتتا 14,1 ملرد تەڭگە بولىنەدى دەپ كۇتىلۋدە», دەدى م.ايتەنوۆ.   

بيىل باعدارلاما 5,5 ملرد تەڭگەگە 13 نىساننىڭ قۇرىلىسىن جۇرگىزۋ; 1,5 ملرد تەڭگەگە ميكروكرەديتتەر بەرۋ; 7,1 ملرد تەڭگەگە بيزنەس سۋبەكتىلەرىنە قولداۋ كورسەتۋ سەكىلدى 3 باعىت بويىنشا ىسكە اسىرىلاتىن بولادى. «ناتيجەسىندە, 6,5 مىڭ ادام تازا سۋمەن جانە 17,6 مىڭ ادام ەلەكتر جۇيەلەرىمەن قامتىلىپ, 392 جۇمىس ورنى قۇرىلاتىن بولادى», دەپ ناقتىلادى اكىم. 

تۇراقتى جۇمىس ورىندارىن قۇرۋ – باستى نازاردا

ماسەلەنى ۇكىمەت باسشىسى اسقار ما­مين قورىتىندىلادى. «جۇمىسپەن قامتۋ­دىڭ جول كارتاسىن ىسكە اسىرۋ جۇمىس ورىندارىمەن قامتاماسىز ەتۋ جا­نە حا­لىقتىڭ ءال-اۋقاتىن جاقسارتۋ بويىن­شا ءوزىنىڭ جوعارى تيىمدىلىگىن كور­­سەتتى. مەم­لەكەت باسشىسى قاسىم-جومارت توقاەۆ­تىڭ تاپسىرماسى بويىنشا جۇ­مىسپەن قامتۋدىڭ جول كارتاسىنىڭ 2021 جىلعا ارنالعان باعدارلاماسىن كەڭەي­تۋدى قوسا العاندا, كەشەندى شارالار قابىل­داندى», دەدى ا.مامين.

پرەمەر-مينيستر بيىل جقجك ورىنداۋ اياسىندا ينفراقۇرىلىمدىق جوبالاردى ىسكە اسىرۋ, كاسىپكەرلىك پەن اگرارلىق سەكتوردى دامىتۋ ارقىلى تۇراقتى جۇمىس ورىندارىن قۇرۋعا ەرەكشە نازار اۋدارىلاتىنىن اتاپ ءوتتى.

وڭىرلەردە جولداردى, مەديتسينالىق جانە ءبىلىم بەرۋ ۇيىمدارىن سالۋعا جانە جوندەۋگە 127,5 ملرد تەڭگە باعىت­تالىپ, ينفراقۇرىلىمدىق جوبالار ىسكە اسىرىلاتىن بولادى. «اتامەكەن» ۇكپ مەن اكىمدىكتەردىڭ قاتىسۋىمەن ميكرو­قارجى ۇيىمدارى ارقىلى 22,5 ملرد تەڭگە سوماسىنا بيزنەس-جوبالاردى قارجىلاندىرۋ جوسپارلانۋدا. وڭىرلەر­دە كاسىپكەرلىكتى دامىتۋعا 50 ملرد تەڭگە با­عىتتالادى. اگروونەركاسىپتىك كەشەن­نىڭ ينۆەستيتسيالىق جوبالارىن قارجى­لاندىرۋعا «بايتەرەك» ۇبح» اق ارقىلى 100 ملرد تەڭگە ءبولۋ جوسپارلانۋدا. «جالپى, جۇمىسپەن قامتۋدىڭ جول كارتاسىن ىسكە اسىرۋعا بيىل 300 ملرد تەڭگە ءبولىندى, 35,6 مىڭ جۇمىس ورنى, ونىڭ ىشىندە 20 مىڭنان استام تۇراقتى جۇمىس ورنى قۇرىلادى», دەدى ا.مامين.

ۇكىمەت باسشىسى جۇمىسپەن قامتۋدىڭ جول كارتاسىنىڭ بارلىق باعىتتارىن ساپا­لى ءارى ۋاقتىلى ىسكە اسىرۋدى, سونداي-اق ينۆەستيتسيالىق جوبالاردى قارجى­لاندىرۋدى قامتاماسىز ەتۋدى تاپسىردى. اۋىل شارۋاشىلىعى مينيسترلىگىنە ەڭ­بەك جانە حالىقتى الەۋمەتتىك قورعاۋ مينيسترلىگىمەن, سونداي-اق باسقا دا مۇد­دەلى مەملەكەتتىك ورگاندارمەن بىر­لەسىپ, اۋىل شارۋاشىلىعى جوبالارىن قار­جى­لاندىرۋ جونىندەگى ءىس-شارالاردىڭ تيىمدىلىگىن باعالاۋ ولشەمدەرىن ازىرلەۋ تاپسىرىلدى.

«تۇراقتى جۇمىس ورىندارىن قۇرۋدى ەرەكشە باقىلاۋدا ۇستاۋ كەرەك», دەپ اتاپ ءوتتى ا.مامين.