پرەزيدەنت قول قويعان بىرقاتار زاڭعا وزگەرىس ەنگىزىلدى

بۇگىن مەملەكەت باسشىسى بىرقاتار ماڭىزدى زاڭدارعا قول قويدى.

اتاپ ايتقاندا:

1) «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا;

2) «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سايلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا.

تومەندەگى تۇزەتۋلەر ەنگىزىلدى:

اۋداندىق ماڭىزى بار قالالاردىڭ, اۋىلداردىڭ, كەنتتەردىڭ, اۋىلدىق وكرۋگتەردىڭ اكىمدەرىنىڭ سايلاۋىن ەنگىزۋ: «اۋداندىق ماڭىزى بار قالانىڭ, اۋىلدىڭ, كەنتتىڭ, اۋىلدىق وكرۋگتىڭ اكىمىن ءتيىستى اكىمشىلىك-اۋماقتىق بىرلىكتىڭ حالقى جالپىعا بىردەي, تەڭ, توتە سايلاۋ قۇقىعى نەگىزىندە جاسىرىن داۋىس بەرۋ ارقىلى جيىرما بەس جاسقا تولعان قازاقستان رەسپۋبليكاسىنىڭ ازاماتتارى قاتارىنان ءتورت جىل مەرزىمگە لاۋازىمعا سايلايدى».

بارلىق كانديداتتارعا قارسى داۋىس بەرۋ: «سايلاۋ بيۋللەتەنىنە «بارىنە قارسىمىن» دەگەن جول ەنگىزىلەدى;

سايلاۋدا ساياسي پارتيالاردىڭ ماجىلىسكە ءوتۋ شەگى 7 پايىزدان 5 پايىزعا دەيىن تومەندەتىلدى.

3) «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىندا بانكتىك, ميكروقارجىلىق جانە كوللەكتورلىق قىزمەتتى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى.

تومەندەگى تۇزەتۋلەر ەنگىزىلدى:

كرەديتتىك بيۋرولاردا كرەديت تاريحتارىن ساقتاۋ مەرزىمىن 10 جىلدان 5 جىلعا دەيىن قىسقارتۋ: «كرەديتتىك بيۋرو كرەديتتىك تاريح سۋبەكتىسىنە قاتىستى اقپاراتتىڭ ساقتالۋىن ول تۋرالى سوڭعى اقپارات الىنعان كۇننەن كەيىن 5 جىل بويى قامتاماسىز ەتەدى».

كوللەكتورلارعا بوتەن تەلەفون نومىرلەرىنەن قوڭىراۋ شالۋعا تىيىم سالىنادى. سونداي-اق ولار بورىشكەرلەرمەن كەز كەلگەن ءوزارا ارەكەتتەسۋ پروتسەسسىنىڭ بەينە جانە اۋديو جازباسىن جۇرگىزۋگە مىندەتتەلەدى.

4) «2021-2023 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭى.

تومەندەگى تۇزەتۋلەر ەنگىزىلدى:

2021-2025 جىلدارعا ارنالعان ماكروەكونوميكالىق كورسەتكىشتەردىڭ بولجامىن ناقتىلاۋ ماقساتىندا ازىرلەندى;

مەملەكەت باسشىسىنىڭ قازاقستان حالقىنا جولداۋىندا بەلگىلەگەن تاپسىرمالاردى, سونداي-اق, كوروناۆيرۋس ىندەتىنە قارسى كۇرەس شارالارىن ىسكە اسىرۋعا باعىتتالعان.