ۇلتتىق ۇلاننىڭ 5573 اسكەري ءبولىمىنىڭ اسكەري قىزمەتشىلەرى سۋعا سەكىرىپ, وزىنە قول سالعىسى كەلگەن قىزدى سۋدان شىعارىپ الدى, دەپ حابارلايدى Egemen.kz
وقيعا, بۇگىن, 25 مامىر كۇنى ساعات 13.30 شاماسىندا قالا ورتاسىنداعى ەسىل وزەنىنىڭ بويىندا بولدى. ادام تىعىز ورنالاسقان اۋدان بولعانىنا قاراماستان, ەشكىم سۋدىڭ بويىنداعى ءوزىن ەرسى ۇستاعان قىزعا كوڭىل بولمەگەن. بويجەتكەن كۇتپەگەن جاعدايدا سۋعا سەكىرىپ كەتكەن. قۋانىشقا وراي, جاقىن ماڭدا جۇرگەن ەلوردالىق ۇلاندىقتار وقيعانى بايقاپ, تەز ارادا قۇتقارۋعا كىرىسكەن.
اسكەري جاساق باستىعى قاتارداعى يليا ماششەنكو جانە پاترۋلشىلەر قاتارداعى ارتەم گريگورەۆ پەن ەريك كوسيان وزەن بويىندا قىزمەتتە ءجۇرىپ, قىزدىڭ سۋعا سەكىرگەن ءساتىن كورىپ قالعان. جاعدايدى باعامداعان اسكەري جاساق لەزدە قىزعا كومەكتەسىپ, قاتارداعى جاۋىنگەر ەريك كوسيان سۋعا سەكىرىپ, بويجەتكەندى الىپ شىعادى.
جاعدايدى ناقتىلاي كەلگەندە, 1995 جىلى تۋعان ازاماتشا پسيحولوگتا تىركەۋدە تۇرعانى بەلگىلى بولدى. بويجەتكەننىڭ ءوز-وزىنە نەلىكتەن قول جۇمساعىسى كەلگەنى بەلگىسىز. جوعارى باسشىلىق تاراپىنان اسكەري قىزمەتشىلەر ماداقتاماعا ۇسىنىلدى.