عالىمدار قان توبىن جەدەل انىقتايتىن قۇرىلعى ويلاپ تاپتى

روچەستەر ۋنيۆەرسيتەتىنىڭ عالىمدارى جول اپاتى مەن جازاتايىم وقيعا سالدارىنان قان جوعالتقان ادامدارعا تەزىرەك كومەك كورسەتۋگە مۇمكىندىك بەرەتىن قۇرىلعى جاسادى.

ول ءۇشىن تەك ءبىر تامشى قان قاجەت, سوندىقتان ساۋساقتى تەسۋ جەتكىلىكتى. قان سىناماسى قۇرىلعىعا ەنگىزىلەدى. ونىڭ ىشىندە انتيدەنە ەرىتىندىلەرى ميكروكانالداردا ورنالاسقان: انتي-ا, انتي-B جانە انتي-Rho. سەنسور گەماگگليۋتيناتسيا رەاكتسياسى بويىنشا ءاربىر ميكروكانالدا A, B نەمەسە Rho انتيگەندەردىڭ بولۋىن جەكە انىقتايدى. كەيىن اقپاراتتى بارلىق دەرەكپەن سالىستىرىپ, قان توبىنىڭ ءمانىن شىعاراتىن ورتالىق پروتسەسسورعا جىبەرەدى.

ساراپشىلاردىڭ ايتۋىنشا, قازىر قان توبى مونوكلونالدى انتيدەنەلەر كومەگىمەن انىقتالادى. ول ءۇشىن ءبىر تامشى قان انتيدەنە ەرىتىندىسىنىڭ تامشىسىمەن ارالاسادى. كۇندەلىكتى زەرتتەۋلەردە مۇنداي تالداۋ جەتكىلىكتى. بىراق ناۋقاس جول اپاتىنان كەيىن كوپ مولشەردە قان جوعالتىپ, اۋرۋحاناعا جەتكىزىلسە, قان توبىن تەزە ارادا انىقتاۋ قاجەت. ادەتتە ستاندارتتى تەست 10-20 مينۋتتى الادى جانە تەرىس اسەرى بولماس ءۇشىن مىندەتتى تۇردە رەزۋس انىقتالادى.

الايدا جۇيەنىڭ ءبىر كەمشىلىگى, قۇرىلعى جۇيەسىندەگى رەاگەنتتەر پايدالانىلماعان كەزدە تومەن تەمپەراتۋرادا ساقتالۋى كەرەك. عالىمدار رەاگەنتتەردىڭ ساقتالۋ ۋاقىتىن ۇزارتۋ ءۇشىن تۇراقتاندىرعىشتار جاساۋدى كوزدەيدى.