«قازاقستان تەمىر جولى» ۇك» اق-نىڭ 18 788 قىزمەتكەرى covid-19-عا قارسى ەكپە الدى. بۇل تۋرالى اتالعان كاسىپورىننىڭ ءباسپاسوز قىزمەتى حابارلادى.
تەمىرجولشىلار ءىرى قالالاردا دا, ءتىپتى شاعىن ستانسالاردا دا كوروناۆيرۋس ينفەكتسياسىنا قارسى ەكپەنى بەلسەندى قابىلداۋدا. قاراعاندى جولاۋشىلار تاسىمالى بولىمشەسى ءبىرىنشى كلاستى جارىق ستانساسىنىڭ ۇجىمى «سامۇرىق-قازىنا» قورىنىڭ باستاماسىمەن پورتفەلدىك كومپانيالار اراسىندا «مەن ەكپە الدىم» اكتسياسىنا قوسىلدى. وسىلايشا, ستانسا كەزەكشىلەرى, پويىز جانە مانەۆرلىك ديسپەتچەرلەر ەكپەنىڭ ءبىرىنشى كومپونەنتىن الدى.– ۇجىم ەكپەنى تۇسىنىستىكپەن قابىلدادى. بۇگىنگى تاڭدا ۆاكتسينالاۋ – كوروناۆيرۋس ىندەتىمەن كۇرەستەگى جالعىز ءتيىمدى جانە قولجەتىمدى قۇرال, – دەيدى ستانسا باستىعى عاليا ءجۇنىسوۆا.قوستاناي لوكوموتيۆ پايدالانۋ دەپوسىنىڭ جوندەۋدى باقىلاۋ ءبولىمىنىڭ جاس قىزمەتكەرلەرى ۇجىمدىق يممۋنيتەتتى قالىپتاستىرۋعا ءوز ۇلەستەرىن قوستى. جىگىتتەر ۆاكتسينا الىپ, ارىپتەستەرىن كورونوۆيرۋسقا قارسى ەكپەنى قابىلداۋعا شاقىردى. ولار جاپپاي ۆاكتسينالاۋ عانا ينفەكتسيانىڭ تارالۋىن توقتاتۋعا, دەنساۋلىقتى ساقتاۋعا جانە قاۋىپسىزدىكتى قامتاماسىز ەتۋگە قابىلەتتى ەكەنىنە سەنىمدى. ادەتتە, ۆاكتسينالاۋ وندىرىستەن قول ۇزبەي, دەپو مەن ستانسالاردا جۇمىس ىستەيتىن مەديتسينالىق كابينەتتەردە جۇرگىزىلەدى. جالپى, كومپانيا قىزمەتكەرلەرىنىڭ 70%-ىن ۆاكتسينالاۋ جوسپارلانۋدا.
«ەگەمەن-اقپارات»