ورتالىق ازيا ەلدەرىنىڭ ساتۋشىلارى ەندى ءىرى امەريكالىق Amazon ەلەكترون كوممەرتسيا پلاتفورماسىندا ساۋدا جاساي الادى. كومپانيا ساتۋشىلار تىركەلە الاتىن ەلدەردىڭ ءتىزىمىن جاڭارتتى, دەپ حابارلايدى Egemen.kz.
Amazon-نىڭ جاڭارتىلعان تىزىمىنە قازاقستان, قىرعىزستان, تاجىكستان, تۇرىكمەنستان جانە وزبەكستان كىردى. پايدالانۋشىلار سايتتا تاۋارلارىن ساتۋ ءۇشىن اتالعان ەلدەردىڭ تۇرعىنى بولۋى كەرەك جانە جارامدى تەلەفون ءنومىرى مەن حالىقارالىق تولەم كارتاسى بولۋى شارت.
بۇعان دەيىن قازاقستان تۇرعىندارى ءۇشىن پلاتفورمادا تاۋار ساتۋ فۋنكتسياسى جابىق بولعان.
Amazon (Amazon.com, Inc.) - حالىقارالىق ەلەكترون ساۋدامەن اينالىساتىن امەريكالىق ءىرى كومپانيا. شتاب-پاتەرى - سيەتلدە ورنالاسقان. ونىڭ نەگىزىن دجەفف بەزوس 1994 جىلى 5 شىلدەدە قالاعان.