ەۋروپا كوروناۆيرۋستىق ينفەكتسياعا قارسى يممۋنداۋ قارقىنىن ارتتىرۋدى جالعاستىرۋدا. Covid-19-عا قارسى كەمىندە ءبىر ەكپە جاساعان ەۋروپالىق وداق تۇرعىندارىنىڭ ۇلەسى 40% جاقىنداپ كەلەدى, دەپ حابارلايدى Egemen.kz.
ەو ەلدەرىنىڭ ازاماتتارى كۆي ۆاكتسيناتسياسىن پاندەميانى جەڭۋدىڭ جالعىز مۇمكىندىگى رەتىندە قابىلدادى. ستاتيستيكاعا سايكەس, ءساۋىر ايىنىڭ باسىندا بۇل كورسەتكىش 15,9% قۇراسا, مامىر ايىندا ول 39,6% جەتتى. ەۋرووداق ەلدەرىنىڭ ۆاكتسيناتسيا بويىنشا كوش باستاپ تۇرعان مەملەكەتتەرىنىڭ العاشقى بەستىگىندە مالتا (60%), ۆەنگريا (58%, فينليانديا (48%), كيپر (46%) جانە بەلگيا (45%) بار.
يزرايل, ماۋسىمنان باستاپ, پاندەمياعا قاتىستى ەنگىزىلگەن بارلىق شەكتەۋلەردى الىپ تاستايدى. ال, شەتەلدەن كەلگەن تۋريستەر ءۇشىن شەكتەۋلەر كۇشىن جويمايدى. ءتىپتى بۇل رەتتە ينفەكتسيانىڭ جاڭا شتاممدارىنىڭ اكەلىنۋىنە جول بەرمەۋ جانە ۆيرۋستىڭ ەلدە تارالۋىن بولدىرماۋ ءۇشىن كۇشەيتىلۋى مۇمكىن. مەيرامحانالارعا, بارلارعا جانە سپورتزالدارعا تەك ۆاكتسيناتسيالانعان نەمەسە "جاسىل تولقۇجاتى" بار اۋرۋدان ايىققان ازاماتتاردىڭ كىرۋىنە رۇقسات ەتىلەدى.
گەرمانيادا كوروناۆيرۋستىق ينفەكتسيانى جۇقتىرعاندار سانىنىڭ تاۋلىكتىك ءوسىمى بىرتىندەپ تومەندەۋدە. اۋرۋعا شالدىقققاندار سانىنىڭ ازايۋى جوعارى دەڭگەيدە بولماعانىمەن, تۇراقتى ديناميكانى كورسەتىپ كەلەدى.
وتكەن تاۋلىكتە اتالمىش كورسەتكىش 2 682 جاعدايدى قۇرادى. جالپى, پاندەميا جاريالانعاننان بەرى گفر-دا كوروناۆيرۋستىق ينفەكتسيانىڭ 3 651 640 جاعدايى انىقتالعان. سوڭعى 24 ساعات ىشىندە 43 ناۋقاس قايتىس بولدى. ىندەتتەن بولاتىن ءولىم-ءجىتىمنىڭ جالپى سانى 87 423 وقيعاعا جەتتى. سوڭعى 7 كۇندە 100 000 تۇرعىنعا شاققاندا ينفەكتسيانى جۇقتىرۋدىڭ 62,5 مىڭ وقيعاسى تىركەلدى. ءبىر كۇن بۇرىن بۇل كورسەتكىش 64,5 مىڭدى, ال ءبىر اپتا بۇرىن - 83,1 مىڭدى قۇراعان بولاتىن.