«روستوۆ» جانە «رۋبين» كوماندالارىنىڭ 68 جاستاعى ەكس-جاتتىقتىرۋشىسى قۇربان بەردىەۆ الەكسەي شپيلەۆسكي وتستاۆكاعا كەتكەن جاعدايدا «قايراتتى» جاتتىقتىرادى, دەپ حابارلايدى Egemen.kz.
KazFootball.kz مالىمەتىنشە, 33 جاستاعى شپيلەۆسكي كوماندانىڭ باس باپكەرى قىزمەتىنەن كەتۋگە جاقىن. ەلىمىزدىڭ قازىرگى چەمپيونى وسى ماۋسىمدى ءساتسىز باستادى, 13 تۋردا بەس رەت قانا جەڭدى.
بەردىەۆتى فۋتبول جانكۇيەرلەرى سوڭعى رەت «استانا» - «قايرات» ورتالىق ماتچىندە الماتىلىق كلۋبتىڭ باسشىلارىمەن كورگەن.
ەسكە سالايىق, بۇعان دەيىن قازاقستاننىڭ «قايرات-ماسكەۋ» كومانداسى رەسەيدىڭ ەكىنشى ليگاسىندا ونەر كورسەتەتىنى حابارلانعان بولاتىن. كلۋب رەسمي تۇردە چەمپيوناتقا قاتىسۋعا جولداما الدى.