اتىراۋ قالاسىندا جولاۋشى تاسىمالدايتىن اۆتوبۋس جاياۋ جۇرگىنشىنى قاعىپ كەتتى, دەپ حابارلايدى Egemen.kz.
وقيعا ورنىندا 27 جاستاعى ايەل كوز جۇمدى.
وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, جول-كولىك وقيعاسى 23 مامىردا كەشكى ساعات 20:20 شاماسىندا ۆوكزال ماڭى شاعىن اۋدانىندا بولعان.
«جاياۋ جۇرگىنشى بەرعاليەۆ-بايمۇحانوۆ كوشەلەرىنىڭ قيىلىسىنداعى جولدىڭ بەلگىلەنبەگەن جەرىنەن كەسىپ وتپەك بولعان. سول كەزدە ونى Daewoo اۆتوبۋسى قاققان. وكىنىشكە وراي, 1994 جىلى تۋعان اتىراۋ قالاسىنىڭ تۇرعىنى وقيعا ورنىندا كوز جۇمدى» دەپ حابارلادى دەپارتامەنتتىڭ ءباسپاسوز قىزمەتى.
قازىر اتالعان جول-كولىك وقيعاسىنا قاتىستى تەرگەۋ ءجۇرىپ جاتىر.